ನ್ಯೂಯಾರ್ಕ್: ಯಹೂದಿ ಕೇಂದ್ರದ ಅಡಿಯಲ್ಲಿ ರಹಸ್ಯ ಸುರಂಗ ಪತ್ತೆ

ವಾಷಿಂಗ್ಟನ್: ಅಮೆರಿಕದ ನ್ಯೂಯಾರ್ಕಿನ ಯಹೂದಿ ಪ್ರಾರ್ಥನಾ ಮಂದಿರದ ಅಡಿಯಲ್ಲಿ ರಹಸ್ಯ ಸುರಂಗವೊಂದು ಪತ್ತೆಯಾಗಿದ್ದು ಇದನ್ನು ಮುಚ್ಚಲು ಅಧಿಕಾರಿಗಳು ಮುಂದಾದಾಗ ಯಹೂದಿಗಳು ತಡೆಯೊಡ್ಡಿದ್ದಾರೆ ಎಂದು `ದಿ ಡೈಲಿ ಮೈಲ್' ಸೋಮವಾರ ವರದಿ ಮಾಡಿದೆ.

ನ್ಯೂಯಾರ್ಕ್ ನ ಬ್ರೂಕ್ಲಿನ್ ಕ್ರೌನ್ ಹೈಟ್ಸ್ ಪ್ರದೇಶದಲ್ಲಿರುವ ಚಾಬದ್ ಲುಬವಿಚ್ ವರ್ಲ್ಡ್ ಹೆಡ್ ಕ್ವಾಟರ್ಸ್ ನ ಅಡಿಯಲ್ಲಿ ಅಕ್ರಮವಾಗಿ ಸುರಂಗ ನಿರ್ಮಿಸಲಾಗಿದ್ದು ಪ್ರಕರಣಕ್ಕೆ ಸಂಬಂಧಿಸಿ 10 ಮಂದಿಯನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಲಾಗುತ್ತಿದೆ ಎಂದು ವರದಿ ಹೇಳಿದೆ.

ಕಳೆದ ತಿಂಗಳು ಈ ಸುರಂಗ ಪತ್ತೆಯಾಗಿದ್ದು ಕಟ್ಟಡದ ಅಡಿಪಾಯಕ್ಕೆ ಅಪಾಯ ಆಗುವ ಸಾಧ್ಯತೆಯನ್ನು ಮನಗಂಡು ಅಧಿಕಾರಿಗಳು ಅದನ್ನು ಮುಚ್ಚಲು ಮುಂದಾದಾಗ ಯೆಹೂದಿಯರು ತಡೆದಿದ್ದಾರೆ. ಪ್ರಾರ್ಥನಾ ಮಂದಿರದಲ್ಲಿ ಮಹಿಳೆಯರ ವಿಭಾಗಕ್ಕೆ ಮತ್ತು ಸ್ನಾನಗೃಹಕ್ಕೆ ಈ ಸುರಂಗ ಸಂಪರ್ಕ ಕಲ್ಪಿಸಿತ್ತು. ಸುರಂಗ ಪತ್ತೆಯಾದ ಬಳಿಕ ಮಹಿಳೆಯರ ವಿಭಾಗದ ಸಂಪರ್ಕವನ್ನು ಮುಚ್ಚಲಾಗಿದೆ ಎಂದು ವರದಿ ಹೇಳಿದೆ.

ಕೋವಿಡ್-19 ಸಾಂಕ್ರಾಮಿಕದ ಸಂದರ್ಭ ನಿರ್ಬಂಧ ಜಾರಿಯಲ್ಲಿದ್ದಾಗ ಈ ಸುರಂಗವನ್ನು ಕೊರೆದಿರುವ ಸಾಧ್ಯತೆಯಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.