ಸಿರಿಯಾ | ಹಂಗಾಮಿ ಪ್ರಧಾನಿಯಾಗಿ ಮೊಹಮ್ಮದ್ ಅಲ್ ಬಶೀರ್ ನೇಮಕ

ದಮಾಸ್ಕಸ್ : ರಾಜಧಾನಿ ದಮಾಸ್ಕಸ್ ನಗರವನ್ನು ವಶಪಡಿಸಿಕೊಂಡಿರುವ ಸಶಸ್ತ್ರ ಬಂಡುಕೋರರು ಸಿರಿಯಾದ ಹಂಗಾಮಿ ಸರಕಾರದ ಪ್ರಧಾನಿಯಾಗಿ ಮೊಹಮ್ಮದ್ ಅಲ್ ಬಶೀರ್ ಅವರನ್ನು ನೇಮಿಸಿದ್ದಾರೆಂದು ಸರಕಾರಿ ಮಾಧ್ಯಮವೊಂದು ಮಂಗಳವಾರ ವರದಿ ಮಾಡಿದೆ.

ಈ ಬಗ್ಗೆ ಸರಕಾರಿ ಸ್ವಾಮ್ಯದ ಟಿವಿ ವಾಹಿನಿಯು ಬಶೀರ್ ಅವರ ಹೇಳಿಕೆಯೊಂದನ್ನು ಬಿಡುಗಡೆಗೊಳಿಸಿದೆ. ಮಾರ್ಚ್ 1ರವರೆಗೆ ಹಂಗಾಮಿ ಸರಕಾರದ ನೇತೃತ್ವವನ್ನು ವಹಿಸುವ ಹೊಣೆಯನ್ನು ಜನರಲ್ ಕಮಾಂಡ್ ನಮಗೆ ವಹಿಸಿದೆ ’’ ಎಂದು ಅವರು ಹೇಳಿಕೆಯಲ್ಲಿ ತಿಳಿಸಿದ್ದಾರೆ.