ಮಟ್ಕಾ ದಂಧೆ: ನಾಲ್ವರ ಬಂಧನ

ಮಂಗಳೂರು, ಜು.13: ನಗರದ ಮಣ್ಣಗುಡ್ಡೆಯ ಬರ್ಕೆ ಬ್ರಿಡ್ಜ್ ಬಳಿ ಸಾರ್ವಜನಿಕರ ಸ್ಥಳದಲ್ಲಿ ಜನರಿಂದ ಹಣವನ್ನು ಪಡೆದು ಮಟ್ಕಾ ದಂಧೆಯಲ್ಲಿ ತೊಡಗಿಸಿಕೊಂಡಿದ್ದ ನಾಲ್ಕು ಮಂದಿಯನ್ನು ಬರ್ಕೆ ಠಾಣಾ ಪೊಲೀಸರು ಬುಧವಾರ ಬಂಧಿಸಿದ್ದಾರೆ

ಬರ್ಕೆಯ ಪ್ರಶಾಂತ್ (48), ಉರ್ವ ಹೊಯ್ಗೆ ಬೈಲ್ ಗುರುಂಪೆಯ ಅನಿಲ್ (47), ಅಶೋಕನಗರ ಸಮೀಪದ ಶೇಡಿಗುರಿಯ ದಿನೇಶ್ ಕುಮಾರ್ (47), ಬರ್ಕೆಯ ಉದಯ (35) ಬಂಧಿತ ಆರೋಪಿಗಳು ಎಂದು ಪೊಲೀಸರು ತಿಳಿಸಿದ್ದಾರೆ.

ಆರೋಪಿಗಳಿಂದ 12,480 ರೂ., 5 ಮೊಬೈಲ್ ಫೋನ್‌ಗಳನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.