ಉಡುಪಿ: ಎಬಿವಿಪಿಯಿಂದ ಯುವ ಧ್ವನಿ ಕಾರ್ಯಕ್ರಮ

ಉಡುಪಿ, ಜು.1: ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಉಡುಪಿ ವತಿಯಿಂದ ಯುವ ಧ್ವನಿ ಕಾರ್ಯಕ್ರಮವು ಇಂದು ಕಡಿಯಾಳಿ ಶರ್ವಾಣಿ ಮಂಟಪದಲ್ಲಿ ನಡೆಯಿತು.

ಕಾರ್ಯಕ್ರಮವನ್ನು ಉದ್ಯಮಿ ಅಜಯ್ ಪಿ.ಶೆಟ್ಟಿ ಉದ್ಘಾಟಿಸಿದರು. ಅಭಾವಿಪ ಮಂಗಳೂರು ವಿಭಾಗ ಸಹ ಸಂಚಾಲಕ ಮತ್ತು ರಾಷ್ಟ್ರೀಯ ಕಾರ್ಯಕಾರಿಣಿ ಸದಸ್ಯ ಸುಮುಖ ಭಟ್, ರಾಜ್ಯ ಕಾರ್ಯಕಾರಿಣಿ ಸದಸ್ಯ ಶ್ರೀನಿತ್ಯ, ನಿಕಟಪೂರ್ವ ತಾಲೂಕು ಸಂಚಾಲಕ ಶ್ರೀಹರಿ, ನಿಕಟ ನಗರ ಕಾರ್ಯ ದರ್ಶಿ ಗಣೇಶ್ ಪೂಜಾರಿ ಉಪಸ್ಥಿತರಿದ್ದರು.

ಈ ಸಂದರ್ಭದಲ್ಲಿ 2023-24ನೇ ಸಾಲಿನ ನೂತನ ಕಾರ್ಯಕಾರಿಣಿಯನ್ನು ಘೋಷಿಸಲಾಯಿತು. ನೂತನ ತಾಲೂಕು ಸಂಚಾಲಕರಾಗಿ ಅಜಿತ್ ಜೋಗಿ ಮತ್ತು ನಗರ ಕಾರ್ಯದರ್ಶಿಯಾಗಿ ಶ್ರೀವತ್ಸ ಅವರನ್ನು ಧ್ವಜ ಹಸ್ತಾಂತರಿಸುವು ದರ ಮೂಲಕ ನೇಮಕ ಮಾಡಲಾಯಿತು.