11 ಮತ್ತು 12 ರಂದು ಕಯ್ಯಾರಿನಲ್ಲಿ ಕಾಸರಗೋಡು ವಲಯ ಐ ಸಿ ವೈ ಎಂ ನೇತೃತ್ವದಲ್ಲಿ ಕಲೋತ್ಸವ- 2025

ಕಾಸರಗೋಡು: ಇಂಡಿಯನ್ ಕ್ಯಾಥೋಲಿಕ್ ಯೂತ್ ಮೂವ್‌ಮೆಂಟ್ (ಐಸಿವೈಎಂ) ಕಾಸರಗೋಡು ಡೀನರಿ ಹಾಗೂ ಕ್ರೈಸ್ಟ್ ಕಿಂಗ್ ಯೂತ್ ಮೂವ್‌ಮೆಂಟ್ (ಸಿಕೆವೈಎಂ) ಕಯ್ಯಾರ್‌ ಘಟಕದ ಸಹಯೋಗದೊಂದಿಗೆ ಸಾಂಸ್ಕೃತಿಕ ಹಬ್ಬ ಕಲೋತ್ಸವ-2025 ಜನವರಿ 11 ಮತ್ತು 12 ರಂದು ಕಯ್ಯಾರ್ ಕ್ರಿಸ್ತರಾಜ ದೇವಾಲಯದ ಮೈದಾನದಲ್ಲಿ ನಡೆಯಲಿದೆ.

ಎರಡು ದಿನಗಳ ಕಾಲ ನಡೆಯಲಿರುವ ಕಲೋತ್ಸವದಲ್ಲಿ ಮನರಂಜನಾ ಚಟುವಟಿಕೆ ಗಳ ಜೊತೆಗೆ ವಿವಿಧ ಸ್ಪರ್ಧೆಗಳು , ಹಾಡು ,ನೃತ್ಯಗಳು ಮನರಂಜನೆ ಜೊತೆ ಮೆರುಗನ್ನು ನೀಡಲಿದೆ .

ಜನವರಿ 11 ರಂದು ನಡೆಯುವ ಸಮಾರಂಭದಲ್ಲಿ ಮಂಗಳೂರು ಧರ್ಮಪ್ರಾಂತ್ಯದ ಐ ಸಿ ವೈ ಎಂ ನಿರ್ದೇಶಕ ಫಾ. ಅಶ್ವಿನ್ ಲೋಹಿತ್ ಕಾರ್ಡೋಜ ಅಧ್ಯಕ್ಷತೆ ವಹಿಸುವರು.

ಮುಖ್ಯ ಅತಿಥಿಗಳಾಗಿ ದಾಯ್ಜಿವಲ್ಡ್ ನ ವ್ಯವಸ್ಥಾಪಕ ನಿರ್ದೇಶಕ ವಾಲ್ಟರ್ ನಂದಳಿಕೆ , ಚಿತ್ರ ನಟಿ ವೆನ್ಸಿಟಾ ಡಯಾಸ್ , ಕುಂಬಳೆ ಠಾಣಾ ಸರ್ಕಲ್ ಇನ್ಸ್ ಪೆಕ್ಟರ್ ವಿನೋದ್ ಕುಮಾರ್ , ನಿಟ್ಟೆ ಇಂಜಿನೀಯರಿಂಗ್ ಕಾಲೇಜಿನ ಪ್ರೊಫೆಸರ್ ಡಾ . ಮೆಲ್ವಿನ್ ಫೆರ್ನಾಲ್ ಉಪಸ್ಥಿತರಿರುವರು.

ವೇದಿಕೆಯಲ್ಲಿ ಐ ಸಿ ವೈ ಎಂ ಕಾಸರಗೋಡು ವಲಯ ನಿರ್ದೇಶಕ ಫಾ . ವಿಶಾಲ್ ಮೋನಿಸ್ , ಅನಿಮೇಟರ್ ಸಿಸ್ಟರ್ ಸೆವ್ರಿನ್ ಡಿ ಕುನ್ಹಾ , ಐಸಿವೈಎಂ ವಲಯ ಅಧ್ಯಕ್ಷ ಮೆಲ್ವಿನ್ ಡಿ ಸೋಜ , ಕಾರ್ಯದರ್ಶಿ ನೀಮಾ ಡಿ ಸಿಲ್ವಾ , ಚರ್ಚ್ ಪಾಲನಾ ಸಮಿತಿ ಉಪಾಧ್ಯಕ್ಷ ರೋಶನ್ ಡಿ ಸೋಜ , ಕಾರ್ಯದರ್ಶಿ ಝೀನಾ ಡಿ ಸೋಜ , ಸಿ ಕೆ ವೈ ಎಂ ಕಯ್ಯಾರ್ ಘಟಕದ ಅಧ್ಯಕ್ಷ ಪ್ರೀಮಲ್ ಡಿ ಸೋಜ , ಕಾರ್ಯದರ್ಶಿ ಜೋಯಲ್ ಕಿಶನ್ ಮೊದಲಾದವರು ಉಪಸ್ಥಿತರಿರುವರು.

12 ರಂದು ನಡೆಯಲಿರುವ ಸಮಾರಂಭದಲ್ಲಿ ಕಾಸರಗೋಡು ವಲಯ ವಿಗಾರ್ ವಾರ್ ಫಾ . ಸ್ಟ್ಯಾನಿ ಪಿರೇರಾ ಅಧ್ಯಕ್ಷತೆ ವಹಿಸುವರು. ದಾಯ್ಜಿ ವಲ್ಡ್ ನ ಪ್ರೊಡಕ್ಷನ್ ಡೈರಕ್ಟರ್ ಸ್ಟ್ಯಾನಿ ಬೇಳ , ಚಿತ್ರ ನಟಿ ಅಶ್ವಿನಿ ಡಿ ಕೋಸ್ಟ, ಕನ್ನಡ ಬಿಗ್ ಬಾಸ್ ನ ರೀಮಾ ಡಯಾಸ್, ಮಂಗಳೂರು ವಿ ಟೆಕ್ ನ ಪ್ರೊಪ್ರೈಟರ್ ನವೀನ್ ಡಿ ಸೋಜ , ಮಂಜೇಶ್ವರ ಠಾಣಾ ಸರ್ಕಲ್ ಇನ್ಸ್ ಪೆಕ್ಟರ್ ರಜೀಶ್ ತೆರುವತ್ ಪೀಡಿಕಾಯಿಲ್ ಮೊದಲಾದವರು ಉಪಸ್ಥಿತರಿರುವರು.

ಜನವರಿ 11 ರಂದು ಮಧ್ಯಾಹ್ನ 2 ಗಂಟೆಯಿಂದ 10 ಗಂಟೆ ಹಾಗೂ 12ರಂದು ಬೆಳಿಗ್ಗೆ 11 ರಿಂದ ರಾತ್ರಿ 10.30 ರ ತನಕ ಕಾರ್ಯಕ್ರಮ ನಡೆಯಲಿದೆ.

ಕಾಸರಗೋಡು ವಲಯದ 16 ಚರ್ಚ್ ಗಳ ಸ್ಪರ್ಧಾಳುಗಳು ಈ ಕಲೋತ್ಸವ ದ ಲ್ಲಿ ಪಾಲ್ಗೊಳ್ಳಲಿದ್ದು, ಸಿದ್ಧತೆ ಗಳು ಪೂರ್ಣ ಗೊಂಡಿರುವುದಾಗಿ ಐಸಿ ವೈ ಎಂ ವಲಯ ನಿರ್ದೆಶಕ ಫಾ. ವಿಶಾಲ್ ಮೋನಿಸ್ ತಿಳಿಸಿದ್ದಾರೆ