ಅಭಿವೃದ್ಧಿ ಮೂಲಕ ಎಲ್ಲರ ಮನಸ್ಸು ಗೆಲ್ಲಲು ಅವಕಾಶ ಸಿಕ್ಕಿದೆ: ಶಾಸಕ ಮಂಥರ್‌ಗೌಡ

ಶನಿವಾರಸಂತೆ: ಅಭಿವೃದ್ಧಿ ಮೂಲಕ ಎಲ್ಲ ಜನರ ಮನಸ್ಸು ಗೆಲ್ಲಲು ನನಗೆ ಒಂದು ಅವಕಾಶ ಸಿಕ್ಕಿದೆ. ಒಳ್ಳೆಯ ರೀತಿಯಲ್ಲಿ ಕೆಲಸಗಳನ್ನು ಪಡೆದುಕೊಂಡು ನಿಮ್ಮ ನಿಮ್ಮ ವ್ಯಾಪ್ತಿಯನ್ನು ಅಭಿವೃದ್ಧಿಪಡಿಸಿಕೊಳ್ಳಿ ಎಂದು ಶಾಸಕ ಮಂಥರ್‌ಗೌಡ ಸಲಹೆ ನೀಡಿದ್ದಾರೆ.

ಶನಿವಾರಸಂತೆಯ ಗುಡುಗಳಲೆ ಗ್ರಾಮದಲ್ಲಿ ನಡೆದ ಮೂರು ದಿನಗಳ ಊರೂಸ್ ಸಮಾರಂಭದಲ್ಲಿ ಶನಿವಾರ ಪಾಲ್ಗೊಂಡು ಮಾತನಾಡಿದ ಅವರು, ಸರಕಾರ ಎಲ್ಲ ಜನಾಂಗದ, ಧರ್ಮದ ಪರವಾಗಿ ಕೆಲಸ ಮಾಡುತ್ತಿದೆ. ಎಲ್ಲ ಸಮುದಾಯ, ಧರ್ಮದ ಬಡವರು ಮುನ್ನೆಲೆಗೆ ಬರಬೇಕು. ಮುಸ್ಲಿಮ್ ಸಮುದಾಯದ ಯುವಕರು ಹೆಚ್ಚೆಚ್ಚು ಶಿಕ್ಷಣವಂತರಾಗಬೇಕು. ಶಿಕ್ಷಣದಿಂದ ಸಮುದಾಯದ ಅಭಿವೃದ್ಧಿ ಸಾಧ್ಯ ಎಂದರು.

ಜ.19ರಂದು ನೌಫಲ್ ಸಖಾಫಿ ಕಳಸ ಅವರ ಮತಪ್ರಭಾಷಣ ನಡೆಯಿತು.ಜ.20ರಂದು ನಡೆದ ಬುರ್ದಾ ಹಾಗೂ ದುಆ ಮಜ್ಲಿಸ್‌ಗೆ ಅಸ್ಸಯ್ಯಿದ್ ಅಲ್ ಹಾಫೀಳ್ ಅಬ್ದುಲ್ ಖಾದರ್ ತಂಙಳ್ ನೇತೃತ್ವ ವಹಿಸಿದ್ದರು. ಜ‌.21 ರಂದು ನಡೆದ ಮೌಲಿದ್ ಹಾಗೂ ಸಾಮೂಹಿಕ ಪ್ರಾರ್ಥನೆಗೆ ಅಸ್ಸಯ್ಯದ್ ಅಲಿ ತಂಙಳ್ ನೇತೃತ್ವ ನೀಡಿದ್ದರು.

ಕಾರ್ಯಕ್ರಮದಲ್ಲಿ ಕೆಪಿಸಿಸಿ ಸದಸ್ಯ ಯಾಕೂಬ್, ಅಧ್ಯಕ್ಷ ಮುಸ್ತಫ, ಉಪಾಧ್ಯಕ್ಷ ಹಮೀದ್, ಕಾರ್ಯದರ್ಶಿ ಶರೀಫ್, ಶಾಫಿ, ಜಮಾ ಮಸೀದಿಯ ಖಜಾಂಚಿ ಹಸೈನಾರ್ ಉಸ್ತಾದ್, ಆಡಳಿತ ಸಮಿತಿ ಸದಸ್ಯರು, ಮಸೀದಿಯ ಖತೀಬರಾದ ಸೂಫಿ ದಾರಿಮಿ, ಮುಅಲ್ಲಿಮರಾದ ಜುನೈದ್ ಫೈಝಿ, ರಫೀಖ್ ದಾರಿಮಿ, ಗ್ರಾಮ ಪಂಚಾಯತ್ ಸದಸ್ಯ ತಸ್ಲೀಮ್ ವಡೆಯನಪುರ ಸೇರಿ ಹಲವರು ಉಪಸ್ತಿತರಿದ್ದರು.