ರಾಯಚೂರು | ಹತ್ತಿ ಮಿಲ್‌ಗೆ ಆಕಸ್ಮಿಕ ಬೆಂಕಿ; 30 ಸಾವಿರ ರೂ. ಮೌಲ್ಯದ ಹತ್ತಿ ಭಸ್ಮ

ರಾಯಚೂರು : ಹತ್ತಿ ಮಿಲ್‌ಗೆ ಆಕಸ್ಮಿಕ ಬೆಂಕಿಯಿಂದ ಅಂದಾಜು 30 ಸಾವಿರ ರೂ. ಮೌಲ್ಯದ ಹತ್ತಿ ಭಸ್ಮವಾಗಿರುವ ಘಟನೆ ರಾಯಚೂರು ರಸ್ತೆಯ ಸಿರವಾರ ಪಟ್ಟಣದ ಹತ್ತಿರ ನಡೆದಿದೆ.

ಮಿಲ್ನಲ್ಲಿನ 30 ಸಾವಿರಕ್ಕೂ ಹೆಚ್ಚಿನ ಮೌಲ್ಯದ ಹತ್ತಿ ಸುಟ್ಟು ಹೋಗಿದೆ. ಮಿಲ್ನಲ್ಲಿ ಬೆಳಿಗ್ಗೆ ಏಕಾಏಕಿ ಬೆಂಕಿ ಕಾಣಿಸಿಕೊಂಡಿದ್ದು, ಇದನ್ನು ಕಂಡ ಕಾರ್ಮಿಕರು ನೀರಿನಿಂದ ಬೆಂಕಿ ನಂದಿಸಿದ್ದಾರೆ.

ಸ್ಥಳಕ್ಕೆ ಅರಕೇರಾ ಅಗ್ನಿಶಾಮಕ ದಳ ಸಿಬ್ಬಂದಿ ಮಿಲ್ ಹೊರಗಡೆಯ ಭತ್ತದ ಬೆಳೆಗೆ ತಗುಲಿದ್ದ ಬೆಂಕಿಯನ್ನು ನಂದಿಸಿ ಹೆಚ್ಚಿನ ಅನಾಹುತ ತಪ್ಪಿಸಿದ್ದಾರೆ.