ರಾಯಚೂರು: ಖಾಸಗಿ ಸ್ಲೀಪರ್ ಬಸ್- ಲಾರಿ ಢಿಕ್ಕಿ; 17 ಮಂದಿಗೆ ಗಾಯ

ರಾಯಚೂರು: ಜಿಲ್ಲೆಯ ಮಸ್ಕಿ ಪಟ್ಟಣದ ಬಳಿ ಖಾಸಗಿ ಸ್ಲೀಪರ್ ಬಸ್, ಲಾರಿ ಮತ್ತು ಬೈಕ್ ಗೆ ಢಿಕ್ಕಿ ಹೊಡೆದ ಪರಿಣಾಮ ಬಸ್ ನಲ್ಲಿದ್ದ 17 ಜನರು ಗಂಭೀರ ಗಾಯಗೊಂಡಿರುವ ಘಟನೆ ನಡೆದಿದೆ.

ಕಲಬುರಗಿಯಿಂದ ಬೆಂಗಳೂರಿಗೆ ಹೊರಟಿದ್ದ ಎಸ್.ಆರ್.ಎಸ್ ಬಸ್ ಗುರುವಾರ ಮಧ್ಯ ರಾತ್ರಿ 1.30ಕ್ಕೆ ಸುಮಾರಿಗೆ ಮಸ್ಕಿ ಪಟ್ಟಣದ ಬಳಿ ಕೆಟ್ಟು ನಿಂತ ಲಾರಿ ಮತ್ತು ಲಾರಿ ರಿಪೇರಿಗೆಂದು ಬಂದಿದ್ದ ಮೆಕ್ಯಾನಿಕ್ ಬೈಕ್ ಸಹ ಅಪಘಾತದಲ್ಲಿ ನಜ್ಜಗುಜ್ಜಾಗುದೆ ಎಂದು ತಿಳಿದುಬಂದಿದೆ.

ಈ ಅಪಘಾತದಲ್ಲಿ ಬಸ್ ನಲ್ಲಿದ್ದ 17 ಜನರಿಗೆ ಗಂಭೀರ ಗಾಯವಾಗಿದ್ದು, ಹಲವರಿಗೆ ಕೈ ಕಾಲಿಗೆ ಸಣ್ಣಪುಟ್ಟ ಗಾಯಗಳಾಗಿವೆ ಎಂದು ತಿಳಿದುಬಂದಿದೆ. ಬಸ್ ನಲ್ಲಿದ್ದ ಗಾಯಾಳಗಳನ್ನು, ನಾಲ್ಕು 108 ಅಂಬುಲೆನ್ಸ್ ಮೂಲಕ ಲಿಂಗಸೂಗೂರ ತಾಲ್ಲೂಕು ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ ಎಂದು ತಿಳಿದುಬಂದಿದೆ.

ಘಟನಾ ಸ್ಥಳಕ್ಕೆ ಮಸ್ಕಿ ಪೊಲೀಸ್ ಠಾಣೆಯ ಪೊಲೀಸ್ ಅಧಿಕಾರಿ ಸಿದ್ದರೇಡ್ಡಿ ಅನ್ವರಿ ಅವರು ಭೇಟಿ ನೀಡಿ ಪರಿಶೀಲನೆ ನಡೆಸಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.