ರಣಜಿ | ಕರ್ನಾಟಕ - ಬಿಹಾರ ತಂಡದ 2ನೇ ದಿನದಾಟ ರದ್ದು
PC l: PTI
ಪಾಟ್ನಾ : ಬಿಹಾರದ ರಾಜಧಾನಿಯಲ್ಲಿ ರಾತ್ರಿ ಇಡೀ ನಿರಂತರ ಮಳೆ ಸುರಿದ ಕಾರಣ ಮೈದಾನ ಒದ್ದೆಯಾದ ಹಿನ್ನೆಲೆಯಲ್ಲಿ ಕರ್ನಾಟಕ ಹಾಗೂ ಬಿಹಾರದ ನಡುವೆ ರವಿವಾರ ಇಲ್ಲಿನ ಮೊಯಿನ್-ವುಲ್ ಹಕ್ ಕ್ರೀಡಾಂಗಣದಲ್ಲಿ ನಡೆಯಬೇಕಾಗಿದ್ದ ರಣಜಿ ಟ್ರೋಫಿಯ ಸಿ ಗುಂಪಿನ ಪಂದ್ಯದ 2ನೇ ದಿನದಾಟವು ರದ್ದಾಗಿದೆ.
ಮಯಾಂಕ್ ಅಗರ್ವಾಲ್ ನೇತೃತ್ವದ ಕರ್ನಾಟಕ ತಂಡವು ಹಿಂದಿನ 2 ಪಂದ್ಯಗಳಲ್ಲಿ ಕೇವಲ 2 ಅಂಕ ಗಳಿಸಿದೆ. ಹೀಗಾಗಿ ಈ ಪಂದ್ಯವನ್ನು ಗೆಲ್ಲಲೇಬೇಕಾದ ಹತಾಶ ಸ್ಥಿತಿಯಲ್ಲಿದೆ.
ವಿಷಾಹಾರ ಸೇವನೆಯಿಂದ ಬಳಲಿದ್ದ ನಾಯಕ ಮಯಾಂಕ್ಗೆ ಉತ್ತಮ ವಿಶ್ರಾಂತಿ ಲಭಿಸಿದಂತಾಗಿದೆ.
ಆತಿಥೇಯ ಬಿಹಾರದ 143 ರನ್ಗೆ ಉತ್ತರವಾಗಿ ಕರ್ನಾಟಕ ತಂಡ ಸೋಮವಾರ ವಿಕೆಟ್ ನಷ್ಟವಿಲ್ಲದೆ 16 ರನ್ನಿಂದ ಬ್ಯಾಟಿಂಗ್ ಮುಂದುವರಿಸಬೇಕಾಗಿತ್ತು.
Next Story