ನಿವೃತ್ತರಾಗಲಿದ್ದಾರೆಯೇ ಭುವನೇಶ್ವರ್‌ ಕುಮಾರ್‌?: ಕ್ರಿಕೆಟಿಗನ ಇನ್‌ಸ್ಟಾಗ್ರಾಮ್‌ ಬಯೋ ಬದಲಾವಣೆ ಮೂಡಿಸಿದೆ ಪ್ರಶ್ನೆ
ಭುವನೇಶ್ವರ್‌ ಕುಮಾರ್‌ (PTI)
ಹೊಸದಿಲ್ಲಿ: ಕ್ರಿಕೆಟಿಗ ಹಾಗೂ ವೇಗದ ಬೌಲರ್‌ ಭುವನೇಶ್ವರ್‌ ಕುಮಾರ್‌ ಅವರು ಅಂತಾರಾಷ್ಟ್ರೀಯ ಕ್ರಿಕೆಟ್‌ ಜೀವನದಿಂದ ನಿವೃತ್ತರಾಗಲಿದ್ದಾರೆಯೇ? ಹಾಗೊಂದು ಪ್ರಶ್ನೆ ಅವರ ಅಭಿಮಾನಿಗಳನ್ನು ಕಾಡಲಾರಂಭಿಸಿದೆ. ಇದಕ್ಕೆ ಕಾರಣ, ಸನ್‌ರೈಸರ್ಸ್‌ ಹೈದರಾಬಾದ್‌ ಪರ ಕೂಡ ಆಡುವ ಭುವನೇಶ್ವರ್‌ ಅವರ ಇನ್‌ಸ್ಟಾಗ್ರಾಂ ಬಯೋ ಇದರಲ್ಲಿನ ಬದಲಾವಣೆ. ಅದರಲ್ಲಿ ಅವರು “ಭಾರತದ ಕ್ರಿಕೆಟರ್” (ಇಂಡಿಯಾ ಕ್ರಿಕೆಟರ್) ಬದಲು ಈಗ ʼಇಂಡಿಯನ್ʼ ಎಂಬ ಪದ ಬಳಸಿರುವುದೇ ಈ ಪ್ರಶ್ನೆಗೆ ಹಾಗೂ ಈ ಕುರಿತ ಊಹಾಪೋಹಗಳಿಗೆ ಕಾರಣವಾಗಿದೆ.
ಇತ್ತೀಚಿನ ಕೆಳ ವರ್ಷಗಳಲ್ಲಿ ಗಾಯದ ಸಮಸ್ಯೆಯಿಂದಾಗಿ ಈ 33 ವರ್ಷದ ಆಟಗಾರನ ವೃತ್ತಿ ಜೀವನ ಏಳುಬೀಳು ಕಂಡಿದೆ. ಜನವರಿ 2022 ರಿಂದ ಅವರು ಒಂದೇ ಒಂದು ಏಕದಿನ ಪಂದ್ಯಗಳನ್ನು ಆಡಿಲ್ಲ, ಮುಂದಿನ ಏಕದಿನ ವಿಶ್ವಕಪ್‌ ಪಂದ್ಯಾವಳಿಗೂ ಅವರ ಆಯ್ಕೆ ಸಾಧ್ಯತೆ ಕಡಿಮೆ ಎಂದು ತಿಳಿಯಲಾಗಿದೆ.
ಗಾಯದ ಸಮಸ್ಯೆಯಿಂದಾಗಿ 2017-18 ದಕ್ಷಿಣ ಆಫ್ರಿಕಾ ಜೊತೆಗಿನ ಸರಣಿಯ ನಂತರ ಅವರು ಟೆಸ್ಟ್‌ ಕ್ರಿಕೆಟ್‌ ಪಂದ್ಯಗಳನ್ನೂ ಆಡಿಲ್ಲ.
