ಬಾರ್ಡರ್ - ಗವಾಸ್ಕರ್ ಟೆಸ್ಟ್ ಸರಣಿಯ ಪೋಸ್ಟರ್‌ನಲ್ಲಿ ರೋಹಿತ್‌ಗೆ ಖೊಕ್

ಪರ್ತ್ : ಆಸ್ಟ್ರೇಲಿಯ ಮತ್ತು ಭಾರತ ಕ್ರಿಕೆಟ್ ತಂಡಗಳ ನಡುವಿನ ಬಾರ್ಡರ್-ಗವಾಸ್ಕರ್ ಟೆಸ್ಟ್ ಸರಣಿಯ ಅಧಿಕೃತ ಪ್ರಸಾರ ಚಾನೆಲ್ ಆಗಿರುವ ಆಸ್ಟ್ರೇಲಿಯದ ‘ಫಾಕ್ಸ್ ಕ್ರಿಕೆಟ್’, ಈ ಸರಣಿಯ ಪೋಸ್ಟರನ್ನು ಕೈಬಿಟ್ಟಿದೆ. ಆಸ್ಟ್ರೇಲಿಯ-ಪಾಕಿಸ್ತಾನ ಏಕದಿನ ಸರಣಿಯ ಪ್ರಸಾರಕನೂ ಆಗಿರುವ ಚಾನೆಲ್, ಸರಣಿಯ ಮೂರನೇ ಹಾಗೂ ಕೊನೆಯ ಪಂದ್ಯದ ನೇರ ಪ್ರಸಾರದ ವೇಳೆ, ಬಾರ್ಡರ್-ಗವಾಸ್ಕರ್ ಟ್ರೋಫಿಯ ಪೋಸ್ಟರನ್ನು ಪ್ರದರ್ಶಿಸಿ ಮುಖಭಂಗಕ್ಕೀಡಾಗಿದೆ.

ಈ ಪೋಸ್ಟರ್‌ನಲ್ಲಿ ಭಾರತೀಯ ತಂಡದ ನಾಯಕ ರೋಹಿತ್ ಶರ್ಮಾರ ಚಿತ್ರ ಇಲ್ಲದಿರುವುದನ್ನು ಕಂಡ ಭಾರತೀಯ ಅಭಿಮಾನಿಗಳು ಚಾನೆಲ್ ವಿರುದ್ಧ ಕಿಡಿಗಾರಿದ್ದಾರೆ.

FOX CRICKET POSTER FOR INDIA VS AUSTRALIA 1ST TEST. pic.twitter.com/bz5TUl4zby

— Mufaddal Vohra (@mufaddal_vohra) November 10, 2024

ಆಸ್ಟ್ರೇಲಿಯ-ಪಾಕಿಸ್ತಾನ ಸರಣಿ ಮುಗಿಯುತ್ತಿರುವಂತೆಯೇ, ಮನಮೋಹಕ ಆಸ್ಟ್ರೇಲಿಯ- ಭಾರತ ಸರಣಿಯ ಬಗ್ಗೆ ಕ್ರಿಕೆಟ್ ಅಭಿಮಾನಿಗಳನ್ನು ನೆನಪಿಸುವುದಕ್ಕಾಗಿ ಚಾನೆಲ್ ನೇರಪ್ರಸಾರದ ವೇಳೆ ಪೋಸ್ಟರನ್ನು ಪ್ರದರ್ಶಿಸಿತ್ತು. ಆ ಪೋಸ್ಟರ್‌ ನಲ್ಲಿ ಆಸ್ಟ್ರೇಲಿಯ ತಂಡದ ನಾಯಕ ಪ್ಯಾಟ್ ಕಮಿನ್ಸ್‌ ರ ಚಿತ್ರವಿತ್ತಾದರೂ, ಇನ್ನೊಂದು ಬದಿಯಲ್ಲಿ ಭಾರತೀಯ ನಾಯಕ ರೋಹಿತ್ ಶರ್ಮಾರ ಚಿತ್ರ ಇರಲಿಲ್ಲ. ಬದಲಿಗೆ ಭಾರತದ ಮಾಜಿ ನಾಯಕ ವಿರಾಟ್ ಕೊಹ್ಲಿಯ ಚಿತ್ರವಿತ್ತು.

Fox Sports poster for ye BGT.

Indian Captain Rohit Sharma is missing. pic.twitter.com/tYOc3mwnUE

— M (@anngrypakiistan) November 10, 2024

ಆಸ್ಟ್ರೇಲಿಯದಲ್ಲಿ ವಿರಾಟ್ ಕೊಹ್ಲಿ ಮಾಡಿರುವ ಉತ್ತಮ ಸಾಧನೆಯ ಹಿನ್ನೆಲೆಯಲ್ಲಿ, ಹೆಚ್ಚಿನ ಭಾರತೀಯ ಹಾಗೂ ಆಸ್ಟ್ರೇಲಿಯ ಕ್ರಿಕೆಟ್ ಅಭಿಮಾನಿಗಳ ಗಮನವನ್ನು ಸೆಳೆಯುವುದು ಚಾನೆಲ್‌ ನ ಉದ್ದೇಶವಾಗಿದ್ದಿರಬಹುದು. ಆಸ್ಟ್ರೇಲಿಯದಲ್ಲಿ ಕೊಹ್ಲಿ 13 ಟೆಸ್ಟ್‌ಗಳಲ್ಲಿ ಆಡಿ 54.08ರ ಸರಾಸರಿಯಲ್ಲಿ 1352 ರನ್‌ಗಳನ್ನು ಗಳಿಸಿದ್ದಾರೆ. ಇದರಲ್ಲಿ ಆರು ಶತಕಗಳು ಮತ್ತು ನಾಲ್ಕು ಅರ್ಧ ಶತಕಗಳಿವೆ.

ಆ ಪೋಸ್ಟರ್ ತಕ್ಷಣ ವೈರಲ್ ಆಯಿತು. ರೋಹಿತ್ ಶರ್ಮಾ ಹೆಸರನ್ನು ಕೈಬಿಟ್ಟಿರುವುದಕ್ಕಾಗಿ ಅಭಿಮಾನಿಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ಚಾನೆಲ್ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದರು. ಇದನ್ನು ಮನಗಂಡ ಚಾನೆಲ್ ಈ ಪೋಸ್ಟರನ್ನು ಕೈಬಿಡುವುದಾಗಿ ಹೇಳಿದೆ.