ಐಪಿಎಲ್ | ಪ್ಲೇ-ಆಫ್ ಟಿಕೆಟ್ ಗಳ ಆನ್ ಲೈನ್ ಮಾರಾಟ ಆರಂಭ

ಹೊಸದಿಲ್ಲಿ : ಪ್ರಸಕ್ತ ಐಪಿಎಲ್ ಟ್ವೆಂಟಿ20 ಟೂರ್ನಮೆಂಟ್ ನ ಪ್ಲೇ ಆಫ್ ಹಂತದ ಪಂದ್ಯಗಳಿಗಾಗಿ ಟಿಕೆಟ್ ಗಳನ್ನು ಮಂಗಳವಾರದಿಂದ ಆನ್ ಲೈನ್ ನಲ್ಲಿ ಮಾರಾಟ ಮಾಡಲು ಆರಂಭಿಸಲಾಗಿದೆ ಎಂದು ಬಿಸಿಸಿಐ ತಿಳಿಸಿದೆ.

ಕ್ವಾಲಿಫೈಯರ್ 1 ಹಾಗೂ ಎಲಿಮಿನೇಟರ್ ಪಂದ್ಯಗಳು ಕ್ರಮವಾಗಿ ಮೇ 21 ಹಾಗೂ ಮೇ 22ರಂದು ಅಹ್ಮದಾಬಾದ್ ನಲ್ಲಿ ನಡೆಯಲಿವೆ. ಕ್ವಾಲಿಫೈಯರ್-2 ಚೆನ್ನೈನಲ್ಲಿ ಮೇ 24ರಂದು ನಡೆಯುವುದು. ಫೈನಲ್ ಪಂದ್ಯವು ಚೆನ್ನೈನಲ್ಲಿ ಮೇ 26ರಂದು ನಡೆಯಲಿರುವುದು.

ಕ್ವಾಲಿಫೈಯರ್-1, ಎಲಿಮಿನೇಟರ್ ಹಾಗೂ ಕ್ವಾಲಿಫೈಯರ್-2ರ ಫೇಸ್-1 ಟಿಕೆಟ್ ಗಳ ಮಾರಾಟ ಮೇ 15ರಿಂದ ಆರಂಭವಾಗಲಿದೆ. ಫೈನಲ್ ಪಂದ್ಯಕ್ಕೆ ಫೇಸ್-1 ಟಿಕೆಟ್ ಗಳ ಮಾರಾಟವು ಮೇ 21ರಂದು ಆರಂಭವಾಗಲಿದೆ.

ಅಧಿಕೃತ ಐಪಿಎಲ್ ವೆಬ್ಸೈಟ್, ಪೇಟಿಎಂ ಆ್ಯಪ್, ಪೇಟಿಎಂ ಇನ್ಸೈಡರ್ ಆ್ಯಪ್ ಹಾಗೂ ಇನ್ಸೈಡರ್ ವೆಬ್ ಸೈಟ್ ನಲ್ಲಿ ಸಂಬಂಧಪಟ್ಟ ದಿನಾಂಕಗಳ ಪ್ರಕಾರ ಟಿಕೆಟ್ ಗಳನ್ನು ಖರೀದಿಸಬಹುದು.