ಪಾಕಿಸ್ತಾನ ಪರ ಶಫೀಕ್‌, ರಿಝ್ವಾನ್‌ ಶತಕ

ಹೈದರಾಬಾದ್: ಇಲ್ಲಿನ ರಾಜೀವ್ ಗಾಂಧಿ ಕ್ರಿಕೆಟ್ ಸ್ಟೇಡಿಯಂ ನಲ್ಲಿ ನಡೆಯುತ್ತಿರುವ ಐಸಿಸಿ ಏಕದಿನ ವಿಶ್ವಕಪ್ ಕ್ರಿಕೆಟ್ 2023 ಟೂರ್ನಿಯ ಶ್ರೀಲಂಕಾ ವಿರುದ್ಧ ಪಂದ್ಯದಲ್ಲಿ ಪಾಕಿಸ್ತಾನ ಬ್ಯಾಟರ್ಸ್ 2 ಶತಕ ಬಾರಿಸಿದ್ದಾರೆ.

ಲಂಕಾ ನೀಡಿದ 345 ಗುರಿ ಬೆನ್ನಟ್ಟಿತ್ತಿದ ಪಾಕಿಸ್ತಾನ ಪರ ಆರಂಭಿಕ ಬ್ಯಾಟರ್ ಅಬ್ದುಲ್ಲಾ ಶಫೀಕ್ 103 ಎಸೆತ ಗಳಲ್ಲಿ 10 ಬೌಂಡರಿ 3 ಸಿಕ್ಸರ್ ಸಹಿತ 113 ರನ್ ಗಳಿಸಿದರೆ, ವಿಕೆಟ್ ಕೀಪರ್ - ಬ್ಯಾಟರ್ ಮುಹಮ್ಮದ್ ರಿಜ್ವಾನ್ 2 ಸಿಕ್ಸರ್, 2 ಬೌಂಡರಿಯೊಂದಿಗೆ 100 ಸಿಡಿಸುವ ಮೂಲಕ ಅಮೋಘ ಶತಕ ಬಾರಿಸಿದರು.

ಇದಕ್ಕೂ ಮುನ್ನ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂದಿದ್ದ ಶ್ರೀಲಂಕಾ ಪರ ಕೂಡ ಎರಡು ಆಕರ್ಷಕ ಶತಕ ಮೂಡಿ ಬಂದಿತ್ತು. ಕುಸಾಲ್ ಮೆಂಡಿಸ್ 77 ಎಸೆತಗಳಲ್ಲಿ 14 ಬೌಂಡರಿ 6 ಸಿಕ್ಸರ್ ಸಹಿತ 122 ರನ್ ಗಳಿಸಿದರೆ, ಇನ್ನೋರ್ವ ಬ್ಯಾಟರ್ ಸದೀರ ಸಮರವಿಕ್ರಮ 89 ಎಸೆತ ಎದುರಿಸಿ 11 ಬೌಂಡರಿ ಸಹಿತ 108 ರನ್ ಸಿಡಿಸಿದ್ದರು.