5ನೇ ಗ್ರಾಂಡ್ ಡಬಲ್ ಪೂರ್ಣಗೊಳಿಸಿದ ಪಂಕಜ್ ಅಡ್ವಾಣಿ

ದೋಹಾ (ಖತರ್): ಖತರ್ ದೇಶದ ದೋಹಾದಲ್ಲಿ ನಡೆದ ಐಬಿಎಸ್ಎಫ್ ವಿಶ್ವ ಬಿಲಿಯರ್ಡ್ಸ್ ಚಾಂಪಿಯನ್ ಶಿಪ್ ಫೈನಲ್ ನಲ್ಲಿ ಭಾರತದ ಹಿರಿಯ ಬಿಲಿಯಡ್ರ್ಸ್ ಆಟಗಾರ ಪಂಕಜ್ ಅಡ್ವಾಣಿ ಶುಕ್ರವಾರ ತನ್ನದೇ ದೇಶದ ಸೌರವ್ ಕೊಠಾರಿಯನ್ನು 5-0 ಅಂತರದಿಂದ ಮಣಿಸಿ ತನ್ನ ಐದನೇ ಗ್ರಾಂಡ್ ಡಬಲ್ ಪೂರ್ಣಗೊಳಿಸಿದರು. ಇದರೊಂದಿಗೆ ಅಡ್ವಾಣಿಯ ವಿಶ್ವ ಪ್ರಶಸ್ತಿಗಳ ಸಂಖ್ಯೆ 27ಕ್ಕೇರಿದೆ.

ವಿಶ್ವ ಚಾಂಪಿಯನ್ಶಿಪ್ ಫೈನಲ್ ನ ಪುನರಾವರ್ತನೆಯೆಂಬಂತೆ ಕಂಡುಬಂದ ಪಂದ್ಯದಲ್ಲಿ, ಕೊಠಾರಿ ಮೇಲಿನ ತನ್ನ ಪಾರಮ್ಯವನ್ನು ಪಂಕಜ್ ಅಡ್ವಾಣಿ ಮತ್ತೊಮ್ಮೆ ಸಾಬೀತುಪಡಿಸಿದರು.

38 ವರ್ಷದ ಅಡ್ವಾಣಿ, 1000 ಪಾಯಿಂಟ್ಗಳ ದೀರ್ಘ ಮಾದರಿಯಲ್ಲಿ ಇತ್ತೀಚೆಗೆ ಕೊಠಾರಿಯನ್ನು ಸೋಲಿಸಿದ್ದರು. 2005, 2008, 2014 ಮತ್ತು 2018ರ ಆವೃತ್ತಿಗಳ ಪ್ರಶಸ್ತಿಗಳನ್ನೂ ಅವರು ಗೆದ್ದಿದ್ದಾರೆ. 2015ರಲ್ಲಿ ಅವರು ಸ್ನೂಕರ್ ಡಬಲ್ ಗೆದ್ದಿದ್ದರು.

ಅಡ್ವಾಣಿ ಇನ್ನು ಚೆನ್ನೈಯಲ್ಲಿ ನಡೆಯಲಿರುವ ನ್ಯಾಶನಲ್ ಬಿಲಿಯಡ್ರ್ಸ್ ಮತ್ತು ಸ್ನೂಕರ್ ಚಾಂಪಿಯನ್ಶಿಪ್ನಲ್ಲಿ ಸ್ಪರ್ಧಿಸಲಿದ್ದಾರೆ.