ಸಿಂಧು, ಲಕ್ಷ್ಯ ಸೇನ್ ಸೆಮಿಫೈನಲ್ಗೆ

ಟೊರಂಟೊ: ಕೆನಡಾ ಓಪನ್ ಸೂಪರ್ -500 ಬ್ಯಾಡ್ಮಿಂಟನ್ ಟೂರ್ನಮೆಂಟ್ ನಲ್ಲಿ ಪಿ.ವಿ. ಸಿಂಧು ಹಾಗೂ ಲಕ್ಷ್ಯ ಸೇನ್ ಸೆಮಿ ಫೈನಲ್ ಗೆ ಲಗ್ಗೆ ಇಟ್ಟಿದ್ದಾರೆ.

ಶುಕ್ರವಾರ ನಡೆದ ಮಹಿಳೆಯರ ಸಿಂಗಲ್ಸ್ ನ ಕ್ವಾರ್ಟರ್ ಫೈನಲ್ ನಲ್ಲಿ ಡಬಲ್ ಒಲಿಂಪಿ ಯನ್ ಸಿಂಧು ಚೀನಾದ ಫಾಂಗ್ ಜೀ ಅವರನ್ನು 21-13, 21-7 ಗೇಮ್ ಗ ಳ ಅಂತರದಿಂದ ಮಣಿಸಿದರು. ಫಾಂಗ್ ಜೀ ವಿರುದ್ಧ ಆಡಿರುವ 4 ಪಂದ್ಯಗಳ ಪೈಕಿ ಸಿಂಧು ಗಳಿಸಿರುವ ಮೊದಲ ಗೆಲುವು ಇದಾಗಿದೆ.

ಇದೇ ವೇಳೆ ಪುರುಷರ ಸಿಂಗಲ್ಸ್ ಕ್ವಾರ್ಟರ್ ಫೈನಲ್ ನಲ್ಲಿ ಸೇನ್ ಜರ್ಮನಿಯ ಕ್ವಾಲಿಫೈಯರ್ ಜುಲಿಯೆನ್ ಕರ್ರಾಗ್ಗಿ ಅವರಿಂದ ತೀವ್ರ ಸವಾಲು ಎದುರಿಸಿದರು. ಅಂತಿಮವಾಗಿ 21-8, 17-21 ಹಾಗೂ 21-10 ಅಂತರದಿಂದ ಜಯಭೇರಿ ಬಾರಿಸಿದರು.

ಸಿಂಧು ಸೆಮಿ ಫೈನಲ್ ನಲ್ಲಿ ವಿಶ್ವದ ನಂ.1 ಆಟಗಾರ್ತಿ ಜಪಾನಿನ ಅಕಾನೆ ಯಮಗುಚಿ ಅವರನ್ನು ಎದುರಿಸಲಿದ್ದಾರೆ. ಲಕ್ಷ್ಯ ಸೇನ್ 4ನೇ ಶ್ರೇಯಾಂಕದ ಜಪಾನ್ ಆಟಗಾರ ಕೆಂಟಾ ನಿಶಿಮೊಟೊ ಅವರೊಂದಿಗೆ ಸೆಣಸಾಡಲಿದ್ದಾರೆ.

ಸಿಂಧು ಅವರು ಅಗ್ರ ಶ್ರೇಯಾಂಕದ ಯಮ ಗುಚಿ ವಿರುದ್ಧ 14-10 ಹೆಡ್-ಟು-ಹೆಡ್ ದಾಖಲೆ ಹೊಂದಿದ್ದಾರೆ. ಈ ವರ್ಷಾರಂಭದಲ್ಲಿ ಸಿಂಗಾಪುರ ಓಪನ್ ನಲ್ಲಿ ಸಿಂಧು ಅವರು ಯಮಗುಚಿ ವಿರುದ್ಧ ಸೋತಿದ್ದರು. ಮತ್ತೊಂದೆಡೆ ಸೇನ್ ಅವರು ನಿಶಿಮೊಟೊ ವಿರುದ್ಧ 1-1 ಹೆಡ್-ಟು-ಹೆಡ್ ದಾಖಲೆ ಹೊಂದಿದ್ದಾರೆ.

2022ರ ಜಪಾನ್ ಓಪನ್ ನಲ್ಲಿ ಕೊನೆಯ ಬಾರಿ ಅವರ ವಿರುದ್ಧ ಆಡಿದ್ದರು.