ಸಿಂಗಾಪುರ ಓಪನ್ | 2ನೇ ಸುತ್ತಿನಲ್ಲಿ ಸಿಂಧೂ ಹೊರಗೆ

ಸಿಂಗಾಪುರ : ಸಿಂಗಾಪುರ ಓಪನ್ ಬ್ಯಾಡ್ಮಿಂಟನ್ ಪಂದ್ಯಾವಳಿಯ ಮಹಿಳಾ ಸಿಂಗಲ್ಸ್ ನಲ್ಲಿ, ಭಾರತೀಯ ಬ್ಯಾಡ್ಮಿಂಟನ್ ತಾರೆ ಪಿ.ವಿ. ಸಿಂಧೂ ಗುರುವಾರ ಎರಡನೇ ಸುತ್ತಿನಲ್ಲಿ ಪರಾಭವ ಹೊಂದಿದ್ದಾರೆ. ಅವರನ್ನು ಜಿದ್ದಾಜಿದ್ದಿನ ಸ್ಪರ್ಧೆಯಲ್ಲಿ, ಸ್ಪೇನ್ ನ ಕ್ಯಾರಲೈನ ಮಾರಿನ್ 13-21, 21-11, 22-20 ಗೇಮ್ ಗಳಿಂದ ಸೋಲಿಸಿದರು. ಪಂದ್ಯವು ಒಂದು ಗಂಟೆ 8 ನಿಮಿಷಗಳ ಕಾಲ ಸಾಗಿತು.

ಸಿಂಧೂ ಮೂರನೇ ಗೇಮ್ ನಲ್ಲಿ ಒಂದು ಹಂತದಲ್ಲಿ 18-15ರಿಂದ ಮುಂದಿದ್ದರು. ಆದರೆ, ಬಳಿಕ ಅದೇ ವೇಗವನ್ನು ಉಳಿಸಿಕೊಂಡು ಮುನ್ನಡೆಯಲು ಅವರಿಗೆ ಸಾಧ್ಯವಾಗಲಿಲ್ಲ.

ಕಳೆದ ವಾರ ಥಾಯ್ಲೆಂಡ್ ಓಪನ್ನಲ್ಲಿ ರನ್ನರ್ಸ್-ಅಪ್ ಆಗಿದ್ದ ಸಿಂಧೂ ಆರಂಭದಲ್ಲಿ ಮಾರಿನ್ ವಿರುದ್ಧ ಪ್ರಾಬಲ್ಯ ಸಾಧಿಸುವಲ್ಲಿ ಯಶಸ್ವಿಯಾದರು. ಮೊದಲ ಗೇಮನ್ನು ಅವರು ಗೆದ್ದರು.

ಆದರೆ, ಎರಡನೇ ಗೇಮ್ ನಲ್ಲಿ ಮೂರನೇ ವಿಶ್ವ ರ್ಯಾಂಕಿಂಗ್ನ ಮಾರಿನ್ ತೀವ್ರ ಪ್ರತಿ ಹೋರಾಟ ನೀಡಿದರು. ತಂತ್ರಗಾರಿಕೆಯಲ್ಲೂ ಅವರು ತನ್ನ ಎದುರಾಳಿಯನ್ನು ಮೀರಿಸಿದರು. ಆ ಮೂಲಕ ಎರಡನೇ ಗೇಮನ್ನು ಗೆದ್ದರು. ಅಂತಿಮವಾಗಿ ನಿರ್ಣಾಯಕ ಗೇಮ್ ನಲ್ಲೂ ಅವರು ವಿಜಯಿಯಾಗಿ ಹೊರಹೊಮ್ಮಿದರು.

ಈ ಪಂದ್ಯವು, ಡೆನ್ಮಾರ್ಕ್ ಓಪನ್ ಬಳಿಕ, ಏಳು ತಿಂಗಳಲ್ಲಿ ಸಿಂಧು ಮತ್ತು ಮರಿನ್ ನಡುವಿನ ಮೊದಲ ಮುಖಾಮುಖಿಯಾಗಿತ್ತು.