ಮಹಿಳೆಯರ 50 ಕೆಜಿ ಕುಸ್ತಿ ಫೈನಲ್ ಸಾರಾಗೆ ಸ್ವರ್ಣ,ಲೊಪೆಝ್ ಗೆ ಬೆಳ್ಳಿ

ಪ್ಯಾರಿಸ್,ಆ.8: ಪ್ಯಾರಿಸ್ ಒಲಿಂಪಿಕ್ಸ್ ನಲ್ಲಿ ಮಹಿಳೆಯರ 50 ಕೆಜಿ ವಿಭಾಗದಲ್ಲಿ ಅಮೆರಿಕದ ಸಾರಾ ಹಿಲ್ಡ್ಬ್ರಾಂಟ್ ಚಿನ್ನದ ಪದಕ ಜಯಿಸಿದ್ದು ತೂಕದ ನಿಯಮಗಳನ್ನು ಪೂರೈಸಲು ಸಾಕಷ್ಟು ತೂಕ ಇಳಿಸಿಕೊಂಡಿದ್ದೇನೆ ಎಂದು ಸಾರಾ ಬಹಿರಂಗಪಡಿಸಿದರು.

ಬುಧವಾರ ನಡೆದ ಚಾಂಪಿಯನ್ಶಿಪ್ ಪಂದ್ಯದಲ್ಲಿ ಸಾರಾ ಅವರು ಗುಝ್ಮನ್ ಲೊಪೆಝ್ರನ್ನು 3-0 ಅಂತರದಿಂದ ಮಣಿಸಿದರು. ಕುಸ್ತಿಯಲ್ಲಿ ಚಿನ್ನದ ಪದಕ ಗೆದ್ದ ಅಮೆರಿಕದ 4ನೇ ಕುಸ್ತಿಪಟು ಎನಿಸಿಕೊಂಡರು.

ಜಪಾನ್ ಆಟಗಾತಿ ಸುಸಾಕಿ ಉಕ್ರೇನ್ನ ಒಕ್ಸಾನಾ ಲಿವಾಚ್ರನ್ನು 10-0 ಅಂತರದಿಂದ ಮಣಿಸಿ ಕಂಚಿನ ಪದಕ ಜಯಿಸಿದರು.