ಕೆಎಸ್ಸಾರ್ಟಿಸಿಗೆ ಮತ್ತೊಂದು ಪ್ರಶಸ್ತಿಯ ಗರಿ

ಬೆಂಗಳೂರು, ಅ. 28: ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆ(ಕೆಎಸ್ಸಾರ್ಟಿಸಿ) ‘ಗ್ರೋ ಕೇರ್ ಇಂಡಿಯಾ’ ಪ್ರತಿಷ್ಠಾಪಿಸಿರುವ ಪ್ರತಿಷ್ಠಿತ ‘ಗ್ರೋ ಕೇರ್ ಇಂಡಿಯಾ ಬೆಸ್ಟ್ ಸ್ಟ್ರಾಟಜಿ’ ಪ್ರಶಸ್ತಿಯು ಲಭಿಸಿದೆ.

ಕೆಎಸ್ಸಾರ್ಟಿಸಿಯ ಮಾನವ ಸಂಪನ್ಮೂಲ ವರ್ಗದಲ್ಲಿ ವಿನೂತನ ಉಪಕ್ರಮಕ್ಕಾಗಿ ಮೇಲ್ಕಂಡ ಪ್ರಶಸ್ತಿ ದೊರಕಿದೆ. ಉತ್ತರ ಪ್ರದೇಶದ ಲಕ್ನೋದ ಖಾಸಗಿ ಹೊಟೇಲ್‍ಬಲ್ಲಿ ಏರ್ಪಡಿಸಿದ್ದ ಸಮಾರಂಭದಲ್ಲಿ ಕೇಂದ್ರ ಸರಕಾರದ ರಾಷ್ಟ್ರೀಯ ವಿಪತ್ತು ನಿರ್ವಹಣೆ ಪ್ರಾಧಿಕಾರದ ಮಾಜಿ ಸದಸ್ಯ ಮುಜಫರ್ ಅಹಮದ್, ಗ್ರೋಕೇರ್ ಇಂಡಿಯಾ ಅಧ್ಯಕ್ಷ ರಾಕೇಶ್ ದ್ವಿವೇದಿ ಪ್ರಶಸ್ತಿ ಪ್ರದಾನ ಮಾಡಿದರು.

ಈ ಸಂದರ್ಭದಲ್ಲಿ ಕೆಎಸ್ಸಾರ್ಟಿಸಿಯ ಹಾಸನ ವಿಭಾಗದ ವಿಭಾಗೀಯ ನಿಯಂತ್ರಣಾಧಿಕಾರಿ ಎಂ.ದೀಪಕ್ ಕುಮಾರ್ ಹಾಗೂ ಶಿವಮೊಗ್ಗ ವಿಭಾಗದ ವಿಭಾಗೀಯ ನಿಯಂತ್ರಣಾಧಿಕಾರಿ ಜಿ.ವಿಜಯ್ ಕುಮಾರ್ ಸೇರಿದಂತೆ ಇನ್ನಿತರರು ಪಾಲ್ಗೊಂಡಿದ್ದರು.