ರೋಣ: ʼಜನ್ನತ್ ಮಸೀದಿ ಯೂತ್ ಫೆಡರೇಶನ್ʼ ವತಿಯಿಂದ ಪ್ರವಾದಿ ಸಂದೇಶ ಕಾರ್ಯಕ್ರಮ
ರೋಣ: ಜನ್ನತ್ ಮಸೀದಿ ಯೂತ್ ಫೆಡರೇಶನ್ ವತಿಯಿಂದ ಇಂದು ರೋಣ ನಗರದಲ್ಲಿ ಪ್ರವಾದಿ ಮುಹಮ್ಮದ್ (ಸ) ಜೀವನ ಮತ್ತು ಸಂದೇಶ ಕುರಿತು ಸಾರ್ವಜನಿಕ ಸಮಾರಂಭ ಜರುಗಿತು.
ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಗಳಾಗಿ ಆಗಮಿಸಿದ್ದ ಪುರಸಭೆ ಉಪಾಧ್ಯಕ್ಷ ಮಿಥುನ್ ಪಾಟೀಲ್ ಮಾತನಾಡಿ, ಪ್ರವಾದಿಯವರ ಶಿಕ್ಷಣ ಕೇವಲ ಮುಸ್ಲಿಮರಿಗೆ ಮಾತ್ರವಲ್ಲ, ಇಡೀ ಮಾನವ ಕುಲಕ್ಕೆ ಮಾರ್ಗದರ್ಶನವಾಗಿದೆ, ನಾವು ಎಲ್ಲ ಧರ್ಮದ ಸಾರವನ್ನು ಅರಿಯಲು ಪ್ರಯತ್ನಿಸುತ್ತಿರಬೇಕು ಎಂದು ಹೇಳಿದರು ,
BIE ರಾಜ್ಯ ಕಾರ್ಯದರ್ಶಿ ರಿಯಾಝ್ ಅಹ್ಮದ್ ಮಾತನಾಡಿ "ಪ್ರವಾದಿ ಮುಹಮ್ಮದ್ (ಸ) ಮಾನವ ಕುಲದ ವಿಮೋಚಕರಾಗಿದ್ದಾರೆ, ಅವರ ಸಂದೇಶವನ್ನು ಇಡೀ ಮಾನವ ಸಮೂಹಕ್ಕೆ ತಲುಪಿಸುವ ಗುರುತರ ಜವಾಬ್ದಾರಿ ಮುಸ್ಲಿಂ ಸಮುದಾಯದ ಮೇಲೆʼʼ ಇದೆ ಎಂದು ಹೇಳಿದರು.
ಇದೇ ವೇಳೆ ದಲಿತ ಮುಖಂಡ ಹಾಗೂ ಬರಹಗಾರ ಶ್ರೀ ವೀರಯ್ಯ ತಗ್ಗಿನಮನಿ, ಜ. ಟಿಪ್ಪು ಸುಲ್ತಾನ್ ಮುಂತಾದವರು ಮಾತನಾಡಿದರು.
ಅಂಜುಮನ್ ಹೈಸ್ಕೂಲ್ ರೋಣ ಇದರ ನಿವೃತ್ತ ಮುಖ್ಯೋಪಾಧ್ಯಾಯರಾದ ಜ. A.S ಖತೀಬ್ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಸಮಾರೋಪ ಭಾಷಣ ಮಾಡಿದರು. ಈ ಸಂದರ್ಭದಲ್ಲಿ ಅಂಜುಮನ್ ಇಸ್ಲಾಂ ಕಮಿಟಿಯ ಅಧ್ಯಕ್ಷರಾದ ಜ. ಬಾವಾಸಾಬ್ ಬೆಟಿಗೇರಿ, ಶಿಕ್ಷಕರಾದ ಜ. ಇರ್ಷಾದ್ ಮುಲ್ಲಾ, ಜ. ಕೂಲ್ಕಾರ್ ಮುಂತಾದರು ಉಪಸ್ಥಿತರಿದ್ದರು.
