ನ.10ರಂದು ಕುಂದಾಪುರದಲ್ಲಿ ಸಿಪಿಎಂ ಸಮ್ಮೇಳನ

ಕುಂದಾಪುರ : ಕುಂದಾಪುರ ತಾಲೂಕು ಸರ್ವಾಂಗೀಣ ಅಭಿವ್ರದ್ಧಿಗಾಗಿ ಹಾಗೂ ಸೌಹಾರ್ದ ಕುಂದಾಪುರಕ್ಕಾಗಿ ಸಿಪಿಎಂ ಪಕ್ಷದ ೪ನೇ ಕುಂದಾಪುರ ವಲಯ ಸಮ್ಮೇಳನ ನ.10ರಂದು ಕುಂದಾಪುರ ಹಂಚು ಕಾರ್ಮಿಕರ ಭವನದಲ್ಲಿ ನಡೆಯಲಿದೆ.

ಡಿ.7 ಮತ್ತು 8ರಂದು ನಾಡ ಪಡುಕೋಣೆಯಲ್ಲಿ ನಡೆಯುವ ಜಿಲ್ಲಾ ಸಮ್ಮೇಳನದ ಪೂರ್ವಭಾವಿಯಾಗಿ ನಡೆಯಲಿರುವ ಈ ವಲಯ ಸಮ್ಮೇಳನದಲ್ಲಿ ಸಿಪಿಎಂ ಪಕ್ಷದ ಸದಸ್ಯರು ಪ್ರತಿನಿಧಿಗಳಾಗಿ ಭಾಗವಹಿಸಿ ಹೊಸ ನಾಯಕತ್ವ ಆಯ್ಕೆ ಮಾಡಲಿದ್ದಾರೆ. ಸಮ್ಮೇಳನದ ಧ್ವಜಾರೋಹಣ ಪಕ್ಷದ ಹಿರಿಯ ಸದಸ್ಯ ವಿ.ನರಸಿಂಹ ನೆರವೇರಿಸಲಿರುವರು. ಸಮ್ಮೇಳನವನ್ನು ಸಿಪಿಎಂ ಪಕ್ಷದ ಜಿಲ್ಲಾ ಕಾರ್ಯದರ್ಶಿಬಾಲಕೃಷ್ಣ ಶೆಟ್ಟಿ ಉದ್ಘಾಟಿಸಲಿರುವರು ಎಂದು ಕುಂದಾಪುರ ವಲಯ ಕಾರ್ಯದರ್ಶಿ ಎಚ್.ನರಸಿಂಹ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.