ಬೈಕ್ ಸಮೇತ ನಗದು ಸೊತ್ತು ಕಳವು: ಪ್ರಕರಣ ದಾಖಲು

ಅಜೆಕಾರು: ಕುಕ್ಕುಜೆ ಗ್ರಾಮದ ರಬ್ಬರ್ ತೋಟದಲ್ಲಿ ಕೆಲಸ ಮಾಡುತ್ತಿದ್ದ ಬೈಕ್, ರಬ್ಬರ್ ಶೀಟ್ ಹಾಗೂ ನಗದು ಕಳವು ಮಾಡಿ ಕೊಂಡಿರುವ ಬಗ್ಗೆ ಅಜೆಕಾರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಚಿಕ್ಕಮಗಳೂರಿನ ರತೀಶ್ ತೋಮಸ್ ಎಂಬವರು ಲೀಸ್‌ನಲ್ಲಿ ನಡೆಸಿಕೊಳ್ಳು ತ್ತಿದ್ದ ರಬ್ಬರ್ ತೋಟದಲ್ಲಿ ಅಜೇಶ್ ಮೋಹನ್ ಟ್ಯಾಪಿಂಗ್ ಕೆಲಸ ಮಾಡಿ ಕೊಂಡಿದ್ದನು. ನ.9ರಂದು ಬೆಳಗ್ಗೆ ರತೀಶ್ ತೋಮಸ್ ಟ್ಯಾಪಿಂಗ್ ಕೆಲಸಕ್ಕೆ ಹೋಗಿದ್ದು, ಆ ವೇಳೆ ಅಜೇಶ್ ಮೋಹನ್ ರೂಮ್‌ನಲ್ಲಿ ಮಲಗಿದ್ದನು.

ಕೆಲಸ ಮುಗಿಸಿ ವಾಪಾಸ್ಸು ಬರುವಾಗ ರೂಮ್‌ನಲ್ಲಿ ಅಜೇಶ್ ಮೋಹನ್ ಕಾಣದೇ ಇದ್ದು, ರೂಮ್‌ನ ಬಳಿ ನಿಲ್ಲಿಸಿದ್ದ ಬೈಕ್, ರೂಮ್ ಒಳಗಡೆ ಇದ್ದ 40 ರಬ್ಬರ್ ಶೀಟ್ ಹಾಗೂ ಟೇಬಲ್ ಮೇಲೆ ಇಟ್ಟಿದ್ದ ರೂಪಾಯಿ 25000ರೂ. ಕಳವು ಆಗಿರುವುದು ಕಂಡುಬಂದಿದೆ ಎಂದು ದೂರಲಾಗಿದೆ.