ಚಿನ್ನಾಭರಣ ಕಳವು

ಗಂಗೊಳ್ಳಿ, ನ.19: ವಧುವಿಗೆ ಗಂಡನ ಮನೆಯಲ್ಲಿ ಧರಿಸಲು ವ್ಯಾನಿಟಿ ಬ್ಯಾಗ್‌ನಲ್ಲಿರಿಸಿ ಮದುವೆ ಮಂಟಪದ ಬಳಿ ಇರಿಸಿದ್ದ ಒಟ್ಟು 17ಗ್ರಾಂ ತೂಕದ ಮೂರು ಜೊತೆ ಚಿನ್ನದ ಕಿವಿ ಓಲೆ ಕಾಣೆಯಾದ ಘಟನೆ ಸೋಮವಾರ ಅಂಬಾಗಿಲಿನ ಅಮೃತ ಗಾರ್ಡನ್‌ನಲ್ಲಿ ನಡೆದಿದೆ.

ಮದುಮಗಳಾದ ಪೂಜಿತಳಿಗೆ ನೀಡಲು ಚಿನ್ನಾಭರಣ ಸಹಿತ ಇರಿಸಿದ್ದ ಬ್ಯಾಗ್‌ನ್ನು ಯಾರೋ ಕಳ್ಳರು ಅಪರಾಹ್ನ 3:45ರಿಂದ 4:00ಗಂಟೆ ನಡುವೆ ಕಳವು ಮಾಡಿರುವುದಾಗಿ ಹೇರೂರಿನ ಶಂಕರ ಎಂಬವರು ನಗರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.