ಜೇಣುನೋಣ ಕಡಿತದಿಂದ ವೃದ್ಧ ಮೃತ್ಯು

ಬೈಂದೂರು, ನ.24: ಜೇನುನೋಣ ಕಡಿತದಿಂದ ವ್ಯಕ್ತಿಯೊಬ್ಬರು ಮೃತಪಟ್ಟ ಘಟನೆ ಕೆರ್ಗಾಲ್ ಗ್ರಾಮದ ನಾಯ್ಕನಕಟ್ಟೆ ಎಂಬಲ್ಲಿ ನಡೆದಿದೆ.

ಮೃತರನ್ನು ಕೆರ್ಗಾಲ್ ಗ್ರಾಮದ ವೆಂಕು(80) ಎಂದು ಗುರುತಿಸಲಾಗಿದೆ. ಇವರು ಹಾಗೂ ಅವರ ಮೊಮ್ಮಗ ಸುದೀಶ ನ.22ರಂದು ಮನೆ ಸಮೀಪದ ತೋಟಕ್ಕೆ ಹೋಗಿದ್ದ ವೇಳೆ ವೆಂಕು ಅವರಿಗೆ ಜೇನು ನೋಣ ಕಚ್ಚಿತ್ತೆನ್ನಲಾಗಿದೆ. ಇದರಿಂದ ತೀವ್ರವಾಗಿ ಅಸ್ವಸ್ಥಗೊಂಡ ಅವರು ನ.23ರಂದು ಮಧ್ಯಾಹ್ನ ವೇಳೆ ಚಿಕಿತ್ಸೆ ಫಲಕಾರಿಯಾಗದೆ ಮಣಿಪಾಲ ಆಸ್ಪತ್ರೆಯಲ್ಲಿ ಮೃತಪಟ್ಟರು ಎಂದು ತಿಳಿದುಬಂದಿದೆ.

ಈ ಬಗ್ಗೆ ಬೈಂದೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.