ಇಂದು ‘ಸಂಗ್ರಹ ಉತ್ಸವ’ ವಸ್ತು ಪ್ರದರ್ಶನ
Update: 2016-12-15 18:35 GMT
ಮಂಗಳೂರು, ಡಿ.15: ನಗರದ ಉರ್ವಾದಲ್ಲಿರುವ ಸಂತ ಅಲೋಶಿಯಸ್ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ಡಿ.16ರಂದು ಸಂಗ್ರಹ ಉತ್ಸವ-2016 ಎಂಬ ವಿಶೇಷ ವಸ್ತು ಪ್ರದರ್ಶನ ಏರ್ಪಡಿಸಲಾಗಿದೆ.
ಬೆಳಗ್ಗೆ 9:30ರಿಂದ ಸಂಜೆ 6ರ ತನಕ ನಡೆಯುವ ಈ ವಸ್ತು ಪ್ರದರ್ಶನದಲ್ಲಿ ಶಾಲಾ ವಿದ್ಯಾರ್ಥಿಗಳು ಹಾಗೂ ಸ್ಥಳೀಯ ಕಲಾಕಾರರು ತಯಾರಿಸಿದ ಚಿತ್ರಕಲೆ, ಕಸೂತಿ, ವೈಜ್ಞಾನಿಕ ಮಾದರಿಗಳು ಹಾಗೂ ಔಷಧೀಯ ಗಿಡಗಳ ಪ್ರದರ್ಶನ ಇರಲಿದೆ. ಉದ್ಘಾಟನಾ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಮಂಗಳೂರು ಬಿಷಪ್ ಅ.ವಂ. ಡಾ.ಅಲೋಶಿಯಸ್ ಪಾವ್ಲ್ ಡಿಸೋಜ ವಹಿಸುವರು ಎಂದು ಪ್ರಕಟನೆ ತಿಳಿಸಿದೆ.