11 ಕಾಮಗಾರಿ ನಿರ್ಮಾಣಕ್ಕೆ 2 ಕೋ.ರೂ. ಮಂಜೂರು: ಶಾಸಕ ಜೆ.ಆರ್.ಲೋಬೊ
ಮಂಗಳೂರು, ಸೆ.20: ದಕ್ಷಿಣ ವಿಧಾನ ಸಭಾ ಕ್ಷೇತ್ರದಲ್ಲಿ 11 ಕಾಮಗಾರಿಗಳನ್ನು ಕೈಗೊಳ್ಳಲು ರಾಜ್ಯ ಸರಕಾರ ಕರಾವಳಿ ಅಭಿವೃದ್ಧಿ ಪ್ರಾಧಿಕಾರಕ್ಕೆ 2 ಕೋ.ರೂ.ವನ್ನು ಮಂಜೂರು ಮಾಡಿದೆ ಎಂದು ಶಾಸಕ ಜೆ.ಆರ್.ಲೋಬೊ ಅವರು ತಿಳಿಸಿದ್ದಾರೆ.
ಮರೋಳಿ ರೇಗೋ ಬಾಗ್ನಿಂದ ಜಯನಗರ 2 ನೇ ಅಡ್ಡ ರಸ್ತೆವರೆಗೆ ರಸ್ತೆ ಕಾಂಕ್ರಿಟೀಕರಣ ಮಾಡಲು 15 ಲಕ್ಷ ರೂ., ಪದವು ಪಶ್ಚಿಮ ಗೋಪಾಲಕೃಷ್ಣ ದೇವಸ್ಥಾನದ ಹತ್ತಿರದಿಂದ ಮುಗುರೋಡಿ ಪ್ರೀತಿನಗರ ರಸ್ತೆ ಕಾಂಕ್ರಿಟೀಕರಣಕ್ಕೆ 20 ಲಕ್ಷ ರೂ., ಪದವು ಸೆಂಟ್ರಲ್ ಕುಚ್ಚಿಕಾಡು ನಾಗಬನದಿಂದ ಕಾನಡ್ಕದವರೆಗೆ ರಸ್ತೆ ಡಾಮರೀಕರಣಕ್ಕೆ 15 ಲಕ್ಷ ರೂ.ವನ್ನು ಮಂಜೂರು ಮಾಡಿದೆ.
ಅಳಪೆ ಉತ್ತರ ಪಡೀಲು ನಿಡ್ಡೇಲು ರಸ್ತೆಯ ಕಾಂಕ್ರಿಟೀಕರಣಕ್ಕೆ 15 ಲಕ್ಷ ರೂ., ಪದವು ಪೂರ್ವ ಕುಲಶೇಖರ ಡೈರಿ ಮುಖ್ಯ ರಸ್ತೆ ಡಾಮರೀಕರಣಕ್ಕೆ 15 ಲಕ್ಷ ರೂ., ದೇರೇಬೈಲು ನೈರುತ್ಯ ಕಲಾವು ರಸ್ತೆ ಕಾಂಕ್ರಿಟೀಕರಣಕ್ಕೆ ಮತ್ತು ಸೇತುವೆ ನಿರ್ಮಾಣಕ್ಕೆ 35 ಲಕ್ಷ ರೂ.ವನ್ನು ಮಂಜೂರು ಮಾಡಿದೆ.
ಬಜಾಲ್ ಅಮೇವುನಿಂದ ಕಲ್ಲಗುಡ್ಡೆ ತನಕ ರಸ್ತೆ ಡಾಮರೀಕರಣಕ್ಕೆ 15 ಲಕ್ಷ ರೂ., ಕಂಕನಾಡಿ ಮಹಾಲಿಂಗೇಶ್ವರ ದೇವಸ್ಥಾನದಿಂದ ಸೆಂಟ್ರಲ್ ಎಕ್ಸೈಸ್ ವಸತಿ ಗೃಹಕ್ಕೆ ಹೋಗುವ ರಸ್ತೆ ಕಾಂಕ್ರಿಟೀಕರಣಕ್ಕೆ 10 ಲಕ್ಷ ರೂ., ಕಂಕನಾಡಿ ನಾಗುರಿ ಗುಡ್ಡೆ ತೋಟ ರಸ್ತೆ ಡಾಮರೀಕರಣಕ್ಕೆ 15 ಲಕ್ಷ ರೂ., ಜಪ್ಪಿನಮೊಗರು ಕಂರ್ಭಿಸ್ಥಾನ ದ್ವಾರದಿಂದ ಸಂಗಮ್ ಫ್ರೆಂಡ್ಸ್ ಕ್ಲಬ್ವರೆಗೆ ರಸ್ತೆ ಕಾಂಕ್ರಿಟೀರಣ ಹಾಗೂ ಚರಂಡಿ ನಿರ್ಮಾಣ ಮಾಡಲು 15 ಲಕ್ಷ ರೂ.ವನ್ನು ಒದಗಿಸಲಾಗಿದೆ. ಬೋಳಾರ ಲೀವೆಲ್ ಮುಖ್ಯ ರಸ್ತೆ ಕಾಂಕ್ರಿಟೀಕರಣಕ್ಕೆ 30 ಲಕ್ಷ ರೂ.ವನ್ನು ಮಂಜೂರು ಮಾಡಲಾಗಿದೆ ಎಂದು ಶಾಸಕರ ಕಚೇರಿ ಪ್ರಕಟನೆ ತಿಳಿಸಿದೆ.