​ತೆಕ್ಕಟ್ಟೆ: ಮೂರು ಮೆಡಿಕಲ್‌ಗಳಲ್ಲಿ ಕಳ್ಳತನ

ಕೋಟ, ಮೇ 6: ತೆಕ್ಕಟ್ಟೆಯಲ್ಲಿರುವ ಮೂರು ಮೆಡಿಕಲ್‌ಗಳಿಗೆ ನುಗ್ಗಿದ ಕಳ್ಳರು ನಗದು ಕಳವು ಮಾಡಿರುವ ಘಟನೆ ಮೇ 5ರಂದು ರಾತ್ರಿ ವೇಳೆ ನಡೆದಿದೆ.

ತೆಕ್ಕಟ್ಟೆ ಬಸ್ ನಿಲ್ದಾಣ ಬಳಿಯ ಮಂಜುನಾಥ್ ಹೊಳ್ಳ ಎಂಬವರ ಹರಿಶ್ರೀ ಮೆಡಿಕಲ್ಸ್ನ ಶಟರ್ ಮುರಿದು ಒಳನುಗ್ಗಿದ ಕಳ್ಳರು ಕ್ಯಾಶ್ ಡ್ರಾವರ್‌ನಲ್ಲಿದ್ದ 5ಸಾವಿರ ರೂ. ನಗದು ಕಳವುಗೈದಿದ್ದಾರೆ. ಅದೇ ರೀತಿ ಎದುರಿನಲ್ಲಿರುವ ದುರ್ಗಾ ಮೆಡಿಕಲ್ ಹಾಗೂ ಪಕ್ಕದಲ್ಲಿರುವ ಮಹಾದೇವಿ ಮೆಡಿಕಲ್ಸ್ ನ ಶಟರ್ ಮುರಿದು ಒಳನುಗ್ಗಿರುವುದು ಬೆಳಕಿಗೆ ಬಂದಿದೆ. ಈ ಬಗ್ಗೆ ಕೋಟ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.