ಬೆಂಗಳೂರು: ಕೊರೋನ ಸೋಂಕಿಗೆ ಮತ್ತೆ 48 ಬಲಿ, ಸಾವಿನ ಸಂಖ್ಯೆ 783ಕ್ಕೆ ಹೆಚ್ಚಳ
ಬೆಂಗಳೂರು, ಜು.23: ನಗರದಲ್ಲಿ ಗುರುವಾರ ಒಂದೇ ದಿನ 2207 ಜನರಿಗೆ ಕೊರೋನ ಸೋಂಕು ದೃಢಪಟ್ಟಿದೆ. ಸೋಂಕಿಗೆ 48 ಜನರು ಮೃತರಾಗಿದ್ದಾರೆ.
ನಗರದಲ್ಲಿ ಇಲ್ಲಿಯವರೆಗೆ ಒಟ್ಟು 39,200 ಮಂದಿಗೆ ಸೋಂಕು ದೃಢಪಟ್ಟಿದ್ದು, 783 ಜನರು ಸೋಂಕಿಗೆ ಬಲಿಯಾಗಿದ್ದಾರೆ. ಒಟ್ಟು 9326 ಜನರು ಗುಣಮುಖರಾಗಿ ಬಿಡುಗಡೆಯಾಗಿದ್ದಾರೆ. ಕೋವಿಡ್ ನಿಗದಿತ ಆಸ್ಪತ್ರೆಗಳು ಹಾಗೂ ಆರೋಗ್ಯ ಕೇಂದ್ರಗಳು ಹಾಗೂ ಆರೈಕೆ ಕೇಂದ್ರಗಳು ಒಳಗೊಂಡಂತೆ 29,090 ಜನ ಸಕ್ರಿಯ ಸೋಂಕಿತರು ಚಿಕಿತ್ಸೆ ಪಡೆಯುತ್ತಿದ್ದಾರೆ.
ಬಿಬಿಎಂಪಿ ವ್ಯಾಪ್ತಿಯಲ್ಲಿರುವ 31 ಜ್ವರ ಚಿಕಿತ್ಸಾಲಯಲ್ಲಿ ಒಟ್ಟು 36,727 ವ್ಯಕ್ತಿಗಳಿಗೆ ತಪಾಸಣೆ ಮಾಡಲಾಗಿದೆ.
ನಿಯಮ ಉಲ್ಲಂಘನೆಗೆ ದಂಡ
ಪೂರ್ವ ವಲಯದ ಸರ್ವಜ್ಞ ನಗರ ವಿಭಾಗದಲ್ಲಿ ಮಾಸ್ಕ್ ಧರಿಸದಿರುವ 50 ಕೇಸ್ಗಳನ್ನು ಪತ್ತೆ ಹಚ್ಚಿ ರೂ. 8200 ದಂಡ ವಿಧಿಸಲಾಗಿದೆ.
ಶಿವಾಜಿನಗರದ ವಿಭಾಗದಲ್ಲಿ ಮಾಸ್ಕ್ ಧರಿಸದ ಮತ್ತು ಸುರಕ್ಷಿತ ಅಂತರ ಕಾಯ್ದುಕೊಳ್ಳದ ಪ್ರಕರಣಗಳನ್ನು ಪತ್ತೆ ಮಾಡಿ 37 ಕೇಸ್ ಗಳಿಂದ 7,400 ರೂ. ದಂಡ ವಿಧಿಸಲಾಗಿದೆ. ದಕ್ಷಿಣ ವಲಯದಲ್ಲಿ ಮಾಸ್ಕ್ ಧರಿಸದ 565 ಪ್ರಕರಣಗಳು, ಸುರಕ್ಷಿತ ಅಂತರ ಪಾಲಿಸದವರ 254 ಪ್ರಕರಣಗಳಿಂದ ರೂ. 1,81,800 ದಂಡ ವಿಧಿಸಲಾಗಿದೆ. ದಕ್ಷಿಣ ವಲಯದಲ್ಲಿ ಒಟ್ಟು ರೂ. 1,59,300 ದಂಡ ವಸೂಲಿ ಮಾಡಲಾಗಿದೆ. ಮಾಸ್ಕ್ ಧರಿಸದ 439 ಪ್ರಕರಣಗಳು, 212 ಸುರಕ್ಷಿತ ಅಂತರ ಉಲ್ಲಂಘನೆ ಪ್ರಕರಣಗಳು ಪತ್ತೆಯಾಗಿವೆ.
ವೈದ್ಯರು, ವೈದ್ಯಕೀಯ ಸಹಾಯಕರ ನೇರ ನೇಮಕಾತಿ
ಪಾಲಿಕೆಯ ಪ್ರಾಥಮಿಕ ಆರೋಗ್ಯ ಕೇಂದ್ರಗಳಿಗೆ ಕೋವಿಡ್-19 ನಿಯಂತ್ರಣಕ್ಕೆ ಅವಶ್ಯವಿರುವ ವಿವಿಧ ಹುದ್ದೆಗಳಿಗೆ ಹೆಚ್ಚುವರಿ ಮಾನವ ಸಂಪನ್ಮೂಲವನ್ನು 6 ತಿಂಗಳ ಅವಧಿಗೆ ಗುತ್ತಿಗೆ ಆಧಾರದ ಮೇಲೆ ಇಂದು ಪುಟ್ಟಣ್ಣ ಚೆಟ್ಟಿ ಪುರಭವನ(ಟೌನ್ ಹಾಲ್)ದಲ್ಲಿ ಬೆಳಗ್ಗೆ 10.30 ರಿಂದ ಸಂಜೆ 5.30 ರವರೆಗೆ ನಡೆದ ವಾಕ್-ಇನ್-ನೇರ ಸಂದರ್ಶನದಲ್ಲಿ ವೈದ್ಯರು, ದಂತ ವೈದ್ಯರು, ಆಯುಷ್ ವೈದರು, ಸ್ಟಾಫ್ ನರ್ಸ್, ಲ್ಯಾಬ್ ಟೆಕ್ನೀಶಿಯನ್, ಪಾರ್ಮಾಸಿಸ್ಟ್, ಎ.ಎನ್.ಎಂ, ಜೂನಿಯರ್ ಹೆಲ್ತ್ ಅಸಿಸ್ಟೆಂಟ್(ಪುರುಷ) ಹಾಗೂ ಆಶಾ ಕಾರ್ಯಕರ್ತೆಯರನ್ನು ಆಯ್ಕೆ ಮಾಡಲಾಗಿದೆ.
30 ವೈದ್ಯರುಗಳು ಹಾಗೂ 21 ಇತರೆ ಸಿಬ್ಬಂದಿ ನಿಯೋಜಿಸಿಕೊಳ್ಳಲಾಗಿದೆ. ನೇರ ಸಂದರ್ಶನದಲ್ಲಿ ಬುಧವಾರ 58 ಮಂದಿ ಹಾಗೂ ಗುರುವಾರ 51 ಮಂದಿ ಸೇರಿ ಒಟ್ಟು 109 ಮಂದಿ ಅರ್ಹರಿಗೆ ನೇಮಕಾತಿ ಆದೇಶ ನೀಡಲಾಗಿದೆ. ವಲಯವಾರು 72 ವೈದ್ಯರು ಹಾಗೂ 5 ಮಂದಿ ಸ್ಟಾಪ್ ನರ್ಸ್ ಗಳನ್ನು ನಿಯೋಜನೆ ಮಾಡಲಾಗಿದೆ.
ಆಸ್ಪತ್ರೆಗಳಲ್ಲಿನ ಹಾಸಿಗೆಗಳು
ಸರಕಾರಿ ಆಸ್ಪತ್ರೆಯಲ್ಲಿ ಒಟ್ಟು 778 ಹಾಸಿಗೆ ಇದ್ದು, ಸಾಮಾನ್ಯ ವಾರ್ಡ್-396, ಎಚ್.ಡಿ.ಯು-62 , ಐಸಿಯು-22, ಐಸಿಯು ವೆಂಟಿಲೇಟರ್-16 ಸೇರಿ ಒಟ್ಟು 496 ಹಾಸಿಗೆ ಭರ್ತಿಯಾಗಿವೆ. ಉಳಿದಂತೆ ಸಾಮಾನ್ಯ ವಾರ್ಡ್-153, ಎಚ್.ಡಿ.ಯು-110, ಐ.ಸಿ.ಯು-13, ಒಟ್ಟು 282 ಹಾಸಿಗೆ ಲಭ್ಯವಿದೆ.
819 ಹಾಸಿಗೆ
ಸಾಮಾನ್ಯ ವಾರ್ಡ್-138, ಎಚ್.ಡಿ.ಯು-480, ಐಸಿಯು-20, ಐಸಿಯು ವೆಂಟಿಲೇಟರ್- 75 ಹಾಸಿಗೆ ಭರ್ತಿಯಾಗಿವೆ. ಉಳಿದಂತೆ ಸಾಮಾನ್ಯ ವಾರ್ಡ್-4, ಎಚ್.ಡಿ.ಯು-100, ಐಸಿಯು-0, ಐಸಿಯು ವೆಂಟಿಲೇಟರ್-2 ಒಟ್ಟು 106 ಹಾಸಿಗೆ ಲಭ್ಯವಿದೆ.
ಖಾಸಗಿ ಆಸ್ಪತ್ರೆಗಳಲ್ಲಿ 4950 ಹಾಸಿಗೆ ವ್ಯವಸ್ಥೆ
ಸಾಮಾನ್ಯ ವಾರ್ಡ್-782, ಎಚ್.ಡಿ.ಯು-282, ಐಸಿಯು-62, ಐಸಿಯು ವೆಂಟಿಲೇಟರ್-51 ಭರ್ತಿಯಾಗಿದ್ದು, ಉಳಿದಂತೆ ಸಾಮಾನ್ಯ ವಾರ್ಡ್-2998, ಎಚ್.ಡಿ.ಆರ್-366, ಐಸಿಯು-214, ,ಐಸಿಯು ವೆಂಟಿಲೇಟರ್-195 ಸೇರಿದಂತೆ ಒಟ್ಟು 3773 ಹಾಸಿಗೆಗಳು ಲಭ್ಯವಿದೆ.
ಖಾಸಗಿ ವೈದ್ಯಕೀಯ ಕಾಲೇಜುಗಳಲ್ಲಿ ಒಟ್ಟು 3011 ಹಾಸಿಗೆ
ಸಾಮಾನ್ಯ ವಾರ್ಡ್-1210, ಎಚ್.ಡಿ.ಆರ್-546, ಐಸಿಯು-61, ಐಸಿಯು ವೆಂಟಿಲೇಟರ್-52 ಭರ್ತಿಯಾಗಿದ್ದು, ಉಳಿದಂತೆ ಸಾಮಾನ್ಯ ವಾರ್ಡ್ನಲ್ಲಿ-933, ಎಚ್.ಡಿ.ಆರ್-153, ಐಸಿಯು-36, ಐಸಿಯು ವೆಂಟಿಲೇಟರ್-20 ಹಾಸಿಗೆ ಲಭ್ಯವಿದೆ.
ಕೊರೋನ ಕೇರ್ ಸೆಂಟರ್ ಒಟ್ಟು 2634 ಹಾಸಿಗೆ
ಸಾಮಾನ್ಯ ವಾರ್ಡ್-2334, ಎಚ್.ಡಿ.ಆರ್-0, ಐಸಿಯು-0, ಐಸಿಯು ವೆಂಟಿಲೇಟರ್-0 ಒಟ್ಟು 2334 ಹಾಸಿಗೆ ಭರ್ತಿಯಾಗಿದ್ದು, ಉಳಿದಂತೆ ಸಾಮಾನ್ಯ ವಾರ್ಡ್ನಲ್ಲಿ - 290 ಹಾಸಿಗೆ ಲಭ್ಯವಿದೆ.