ಜಾಲಿ ಪ.ಪಂ.ಚುನಾವಣೆ; 35 ಅಭ್ಯರ್ಥಿಗಳು ಕಣದಲ್ಲಿ

ಭಟ್ಕಳ: ಡಿ.27ರಂದು ನಡೆಯಲಿರುವ ಜಾಲಿ ಪಟ್ಟಣ ಪಂಚಾಯತ್ ಚುನಾವಣೆಯಲ್ಲಿ 20 ಅಭ್ಯರ್ಥಿಗಳ ಪೈಕಿ 7 ಸ್ವತಂತ್ರ ಅಭ್ಯರ್ಥಿಗಳು ಅವಿರೋಧವಾಗಿ ಆಯ್ಕೆಯಾಗಿದ್ದು, ಉಳಿದ 13 ವಾರ್ಡ್‍ಗಳಿಗೆ 35 ಅಭ್ಯರ್ಥಿಗಳು ಕಣದಲ್ಲಿದ್ದಾರೆ.

ನಾಮಪತ್ರ ಹಿಂಪಡೆಯಲು ಅಂತಿಮ ದಿನವಾಗಿದ್ದ ಡಿಸೆಂಬರ್ 18 ರಂದು ವಿವಿಧ ವಾರ್ಡ್‍ಗಳಿಂದ 20 ಅಭ್ಯರ್ಥಿಗಳು ತಮ್ಮ ನಾಮಪತ್ರಗಳನ್ನು ಹಿಂಪಡೆದಿದ್ದಾರೆ. ಹೀಗಾಗಿ ಒಟ್ಟು 7 ಅಭ್ಯರ್ಥಿಗಳು ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.

ಚುನಾವಣಾಧಿಕಾರಿ ನೀಡಿದ ಮಾಹಿತಿಯಂತೆ, 5, 7, 12, 13, 15, 16 ಮತ್ತು 17ನೇ ವಾರ್ಡ್‍ನಲ್ಲಿ 7 ಅಭ್ಯರ್ಥಿಗಳು ಅವಿರೋಧವಾಗಿ ಆಯ್ಕೆಯಾಗಿದ್ದು ಕ್ರಮವಾಗಿ ಅಭ್ಯರ್ಥಿಗಳ ಹೆಸರು ಈ ರೀತಿಯಾಗಿದೆ. ಫರ್ಹಾನಾ ಇಕ್ಕೇರಿ, ಇರ್ಷಾದ್ ಬಾನು, ಇಮ್ರಾನ್ ಲಂಕಾ, ಫಾತಿಮಾ ತಾನೀಂ ಖತೀಬ್. ಮುನೀರ್ ಅಹ್ಮದ್, ಅಫ್ಶಾ ಖಾಜಿಯಾ ಮತ್ತು ಬೀಬಿ ಶಮೀಮ್.

ವಾರ್ಡ್ ಸಂಖ್ಯೆ 1, 2, 3, 4, 6, 8, 9, 10, 11, 14, 18, 19, 20ರಲ್ಲಿ ಅಭ್ಯರ್ಥಿಗಳ ನಡುವೆ ಪೈಪೋಟಿ ಏರ್ಪಟ್ಟಿದೆ. ಡಿಸೆಂಬರ್ 27 ರಂದು ಮತದಾನ ನಡೆಯಲಿದೆ.

ಕಣದಲ್ಲಿರುವ ಅಭ್ಯರ್ಥಿಗಳ ವಿವರ: ವಾರ್ಡ್ ನಂ.1ರಲ್ಲಿ ಕಾಂಗ್ರೆಸ್ ನಿಂದ ಈಶ್ವರ ಮೊಗೇರ್, ಸ್ವತಂತ್ರ ಅಭ್ಯರ್ಥಿಗಳಾಗಿ ಮಾರುತಿ ಪಾವಸ್ಕರ್, ಪುರಂದರ ಮೊಗೇರ್, ಕಿರಣ್ ಶಿರೂರ್ ಕಣದಲ್ಲಿದ್ದಾರೆ. ಅದೇ ರೀತಿ ವಾರ್ಡ್ ನಂ.2ರಿಂದ ಸಾವಿತ್ರಿ ರಮೇಶ್ ನಾಯ್ಕ್ (ಕಾಂಗ್ರೆಸ್) ಪದ್ಮಾವತಿ ಸುಬ್ರಾಯ ನಾಯ್ಕ್ (ಬಿಜೆಪಿ). ವಾರ್ಡ್ ನಂ.3 ರಿಂದ ರಮೇಶ್ ಮಾದೇವ ನಾಯ್ಕ್ (ಕಾಂಗ್ರೆಸ್) ಮತ್ತು ಬಾಲಚಂದ್ರ ತಿಮ್ಮಪ್ಪ ನಾಯ್ಕ್ (ಬಿಜೆಪಿ). ವಾರ್ಡ್ ನಂ.4 ರಿಂದ ಶೆಹಿನಾ ಶೇಖ್ (ಕಾಂಗ್ರೆಸ್) ಮತ್ತು ರೇಣುಕಾ ಗೋಪಾಲ್ ನಾಯ್ಕ್ (ಬಿಜೆಪಿ). ವಾರ್ಡ್ ನಂ.6ರಿಂದ ಇರ್ಷಾದ್ ಮೊಹಿ-ಉದ್-ದಿನ್, ಮಿಸ್ಬಾ-ಉಲ್-ಹಕ್ ಮತ್ತು ಶಿಂಗೇರಿ ಮುಹಮ್ಮದ್ ಮಸೂದ್ (ಸ್ವತಂತ್ರ) ವಾರ್ಡ್ ನಂ.9ರಿಂದ ಅಬ್ದುಲ್ ಅಝೀಝ್ (ಕಾಂಗ್ರೆಸ್). ದಯಾನಂದ ನಾಯ್ಕ್ (ಬಿಜೆಪಿ), ಅಬ್ದುಲ್ ಕರೀಂ, ಮಂಜುನಾಥ ನಾಗಪ್ಪ ಗೊಂಡ, ಸದ್ದಾಂ ಹುಸೇನ್ ಅಬ್ದುಲ್ ಖಾದಿರ್ ಮತ್ತು ಸೈಯದ್ ಫರ್ಹಾನ್ (ಸ್ವತಂತ್ರ) ವಾರ್ಡ್ ನಂ.10 ರಿಂದ ಲಕ್ಷ್ಮಣ ನಾಯ್ಕ (ಕಾಂಗ್ರೆಸ್), ರಾಮ್ ಮಂಜುನಾಯ್ಕ (ಬಿಜೆಪಿ) ಮತ್ತು ನಾಗರಾಜ ನಾಯ್ಕ (ಸ್ವತಂತ್ರ). ವಾರ್ಡ್ ಸಂಖ್ಯೆ 11 ರಿಂದ, ರಮೇಶ ಈರಾ ಗೊಂಡ (ಕಾಂಗ್ರೆಸ್) ಮತ್ತು ಈಶ್ವರ ಮಾಸ್ತಿ ಗೊಂಡ (ಬಿಜೆಪಿ). ವಾರ್ಡ್ ನಂ.14ರಿಂದ ಸ್ವತಂತ್ರ ಅಭ್ಯರ್ಥಿಗಳು ನೇತ್ರಾ ರಮೇಶ್ ನಾಯ್ಕ್ ಮತ್ತು ಮೊಮಿನ್ ಶಹನಾಜ್ ಬೇಗಂ. ವಾರ್ಡ್ ನಂ.18 ರಿಂದ ಸ್ವತಂತ್ರ ಅಭ್ಯರ್ಥಿಗಳಾಗಿ ವಾಸಿಂ ಅಹಮದ್ ಮನೆಗಾರ್ ಮತ್ತು ಕೆ ಸುಲೇಮಾನ್. ವಾರ್ಡ್ ನಂ.19ರಿಂದ ಅತಾವುಲ್ಲಾ ಹೆರೂರು, ಮೊಹಮ್ಮದ್ ತೌಫಿಕ್ ಬ್ಯಾರಿ, ಕೆ.ಸುಲೇಮಾನ್ ಹಾಗೂ ವಾರ್ಡ್ ನಂ.20ರಿಂದ ಇರ್ಫಾನ್ ಅಹ್ಮದ್ ಮತ್ತು ಮೊಹಮ್ಮದ್ ಜಬ್ರೂಬ್ ಖತೀಬ್ ಸ್ವತಂತ್ರ ಅಭ್ಯರ್ಥಿಗಳಾಗಿ ತಮ್ಮ ಅದೃಷ್ಟ ಪರೀಕ್ಷೆಗೆ ಮುಂದಾಗಿದ್ದಾರೆ.