ಇಂಡಿಪೆಂಡೆನ್ಸ್ ಕಪ್ ಫುಟ್ಬಾಲ್ ಪಂದ್ಯಾವಳಿ: ಸೈಂಟ್ ಜೋಸೆಫ್, ಯೆನೆಪೋಯ, ಫಲಾಹ್ ಶಾಲೆಗಳಿಗೆ ಪ್ರಶಸ್ತಿ

ಮಂಗಳೂರು, ಜು.26: ದ.ಕ.ಜಿಲ್ಲಾ ಫುಟ್ಬಾಲ್ ಸಂಸ್ಥೆಯ ವತಿಯಿಂದ ನಡೆಯುತ್ತಿರುವ 25ನೇ ವರ್ಷದ ಇಂಡಿಪೆಂಡೆನ್ಸ್ ಕಪ್ ಫುಟ್ಬಾಲ್ ಪಂದ್ಯಾ ವಳಿಯ ಬಾಲಕಿಯರ ಪ್ರೌಢಶಾಲೆ ವಿಭಾಗದ ಫುಟ್ಬಾಲ್‌ನ ಫೈನಲ್‌ನಲ್ಲಿ ಬಜ್ಪೆಯ ಸೈಂಟ್ ಜೋಸೆಫ್ ಹೈಸ್ಕೂಲ್ ತಂಡ ಪ್ರಶಸ್ತಿ ಬಾಚಿಕೊಂಡಿದೆ.

ನಗರದ ಫುಟ್ಪಾಲ್ ಗ್ರೌಂಡ್‌ನಲ್ಲಿ ನಡೆದ ಫೈನಲ್‌ನಲ್ಲಿ ಉಚ್ಚಿಲದ ಭೋವೀಸ್ ಹೈಸ್ಕೂಲ್ ತಂಡವನ್ನು 5-0 ಗೋಲುಗಳಿಂದ ಸೋಲಿಸಿ ಸೈಂಟ್ ಜೋಸೆಫ್ ಹೈಸ್ಕೂಲ್ ತಂಡ ಪ್ರಶಸ್ತಿಯನ್ನು ಪಡೆದುಕೊಂಡಿತು

ಎರಡೂ ವಿಭಾಗಗಳಲ್ಲೂ ಉಚ್ಚಿಲ ಭೋವೀಸ್ ತಂಡ ರನ್ನರ್ ಅಪ್ ಸ್ಥಾನಕ್ಕೆ ತೃಪ್ತಿ ಪಡೆದುಕೊಂಡಿತು.

*ಯೆನಪೋಯ ಚಾಂಪಿಯನ್ : ಬಾಲಕಿಯರ ಹಿರಿಯ ಪ್ರಾಥಮಿಕ ಶಾಲಾ ವಿಭಾಗದಲ್ಲಿ ಯೆನೆಪೋಯ ಶಾಲೆಯ ತಂಡವು ಫೈನಲ್‌ನಲ್ಲಿ ಉಚ್ಚಿಲದ ಭೋವೀಸ್ ಶಾಲೆಯ ತಂಡವನ್ನು ಟೈಬ್ರೇಕರ್ ನಲ್ಲಿ 4-3 ಅಂತರದಿಂದ ಸೋಲಿಸಿ ಪ್ರಶಸ್ತಿಯನ್ನು ಪಡೆದುಕೊಂಡಿತು.

*ಫಲಾಹ್‌ಗೆ ಪ್ರಶಸ್ತಿ: ಇಂಡಿಪೆಂಡೆನ್ಸ್ ಕಪ್ ಫುಟ್ಬಾಲ್ ಪಂದ್ಯಾವಳಿ ಹಿರಿಯ ಪ್ರಾಥಮಿಕ ಶಾಲೆ ವಿಭಾಗದ ಫೈನಲ್ ಪಂದ್ಯಾಟದಲ್ಲಿ ತಲಪಾಡಿಯ ಫಲಾಹ್ ಹಿರಿಯ ಪ್ರಾಥಮಿಕ ಶಾಲೆ ತಂಡ ಉಳ್ಲಾಳದ ಇಸ್ಲಾಹಿ ಹಿ.ಪ್ರಾ.ಶಾಲಾ ತಂಡವನ್ನು ಸೋಲಿಸಿ ಪ್ರಶಸ್ತಿಯನ್ನು ಪಡೆದುಕೊಂಡಿತು

ಪಂದ್ಯಾಟದ ಪೂರ್ಣ ಅವಧಿಯಲ್ಲಿ ಗೋಲ್ ಬಾರದ ಕಾರಣ ಪೆನಾಲ್ಟಿ ಶೂಟ್‌ಔಟ್ ಮೂಲಕ ಫಲಾಹ್ ತಂಡ 4-3 ಗೋಲ್ ಅಂತರದಿಂದ ಜಯಗಳಿಸಿತು.

ಗುರುವಾರದಿಂದ ಹೈಸ್ಕೂಲ್ ಬಾಲಕರ ವಿಭಾಗದ ಪಂದ್ಯಾಟ ನಡೆಯಲಿದೆ.