ಬೆಳ್ತಂಗಡಿಯ ಪೌಝಿಯಾ ಸೇರಿ ಸಾಧಕರಿಗೆ 'ಸ್ಟಾರ್ ವುಮನ್' ಪ್ರಶಸ್ತಿ ಪ್ರದಾನ

ಬೆಳ್ತಂಗಡಿ: ಕವಿತಾ ಮೀಡಿಯಾ ಸೋರ್ಸ್ ಹೈಬ್ರಿಡ್ ನ್ಯೂಸ್ ಕನ್ನಡ ಸುದ್ದಿ ವಾಹಿನಿ ನೀಡುವ 'ಸ್ಟಾರ್ ವುಮನ್' ಪ್ರಶಸ್ತಿಗೆ ಬೆಳ್ತಂಗಡಿಯ ಪೌಝಿಯಾ ಸೇರಿ ಹಲವು ಮಂದಿ ಸಾಧಕರು ಆಯ್ಕೆಯಾಗಿದ್ದಾರೆ.

ಬೆಂಗಳೂರಿನಲ್ಲಿ ನ.3ರಂದು ನಡೆದ ಕರುನಾಡ ಸಾಧಕರು ಕಲಾ ಪ್ರತಿಭೋತ್ಸವ ಹಾಗೂ ಸಾಧಕರಿಗೆ ಸನ್ಮಾನ ಸಮಾರಂಭದಲ್ಲಿ ಫೌಝಿಯಾ ಹಾಗು ಇತರ ಸಾಧಕರಿಗೆ ಸ್ಟಾರ್ ವುಮನ್ ಅವಾರ್ಡ್-2024 ಪ್ರದಾನ ಮಾಡಲಾಯಿತು ಎಂದು ಸಂಘಟಕ ಡಾ| ಬಿ.ಎನ್.ಹೊರಪೇಟಿ ತಿಳಿಸಿದ್ದಾರೆ.

ಫೌಝಿಯಾ ಅವರು ಬೆಳ್ತಂಗಡಿಯ ಗುರುವಾಯನಕೆರೆ ನಿವಾಸಿ ಹೈದ‌ರ್ ಮತ್ತು ದಿ. ನೆಬಿಸಾ ದಂಪತಿಯ ಪುತ್ರಿ. ಇವರು ಬಹುಮುಖ ಪ್ರತಿಭೆ ಹಾಗೂ ದೈಹಿಕ 75% ವಿಶೇಷ ಚೇತನರಾಗಿರುತ್ತಾರೆ.

ಕರ್ನಾಟಕ ರಾಜ್ಯದಲ್ಲಿರುವಂತಹ 6860 ನಗರ ಪುನರ್ವಸತಿ ಕಾರ್ಯಕರ್ತರು, ಗ್ರಾಮೀಣ ಪುನರ್ವಸತಿ ಕಾರ್ಯಕ ರ್ತರು, ತಾಲೂಕಿನ ವಿವಿಧ ದೇಶ ಪುನರ್ವಸತಿ ಕಾರ್ಯಕರ್ತರು, ಇವರ ಸರ್ಕಾರದ ಮಟ್ಟದಲ್ಲಿ ಖಾಯಮಾತಿ ಗೊಳಿಸಬೇಕು ಇಲ್ಲವೇ ಕನಿಷ್ಠ ವೇತನವನ್ನು ಜಾರಿ ಮಾಡಬೇಕು ಎಂಬ ನಿಟ್ಟಿನಲ್ಲಿ ನವ ಕರ್ನಾಟಕ ಯುಅರ್‌ಡಬ್ಲ್ಯೂ ವಿಆರ್‌ಡಬ್ಲ್ಯೂ ಯುಬಿಡಬ್ಲ್ಯೂ ಸಂಘದ ರಾಜ್ಯ ಸಂಚಾಲಕಿಯಾಗಿ ಹೋರಾಟ ಮಾಡುತ್ತಾ ಬಂದಿರುತ್ತಾರೆ.

"ಸದ್ಯಕ್ಕೆ ನನ್ನ ಯೋಚನೆಯು ನನ್ನ ಹಾಗೆ ಎಷ್ಟೋ ವಿಶೇಷ ಚೇತನ ವ್ಯಕ್ತಿಗಳು, ವಿದ್ಯಾಭ್ಯಾಸ ಇಲ್ಲದೆ ಇದ್ದಾರೆ. ಆದರೆ ಕೆಲವರು ತಮ್ಮ ವಿಕಲತೆಯನ್ನು ಮನಸ್ಸಿನಲ್ಲಿಟ್ಟುಕೊಂಡು ಸಮಾಜ ದಲ್ಲಿ ಹೇಗೆ ಬದುಕಬೇಕು ಎಂಬ ಯೋಚನೆಯಲ್ಲಿ ಮುಳುಗಿದ್ದಾರೆ. ಅಂಥವರನ್ನು ಈ ಸಮಾಜಕ್ಕೆ ಪರಿಚಯ ಮಾಡಿಕೊಡುವುದೇ ನನ್ನ ಮುಖ್ಯ ಗುರಿಯಾಗಿದೆ".

-ಫೌಝಿಯಾ, ಬೆಳ್ತಂಗಡಿ