ಕಲ್ಲಾಪು: ವಿಕೆ ಫರ್ನಿಚರ್ ಹಾಗೂ ಇಲೆಕ್ಟ್ರಾನಿಕ್ಸ್ ಸಂಸ್ಥೆಯ ಸ್ಪರ್ಧಾ ವಿಜೇತರಿಗೆ ಬಹುಮಾನ ವಿತರಣೆ

ಉಳ್ಳಾಲ: ವಿಕೆ ಫರ್ನಿಚರ್ ಹಾಗೂ ಇಲೆಕ್ಟ್ರಾನಿಕ್ಸ್ ಸಂಸ್ಥೆ ನವರಾತ್ರಿಯ ಸಂದರ್ಭ ಆಯೋಜಿಸಿದ ನವ್ ವರ್ನ್ ಹಾಗೂ ದಿಯಾ ವಿಥ್ ರಂಗೋಲಿ ಸ್ಪರ್ಧಾ ವಿಜೇತರಿಗೆ ಬಹುಮಾನ ವಿತರಣೆ ಸಮಾರಂಭ ಸಂಸ್ಥೆಯ ಕಲ್ಲಾಪು ಮಳಿಗೆಯಲ್ಲಿ ರವಿವಾರ ನಡೆಯಿತು.

ನವ್ ವರ್ನ್ ಹೆಸರಿನಲ್ಲಿ ನಡೆದ ಸ್ಪರ್ಧೆಯಲ್ಲಿ ಸುಮಾರು 420ತಂಡ ಭಾಗವಹಿಸಿದ್ದು 1433 ಫೋಟೋ ಹಾಗೂ ರಂಗೋಲಿ ರಚನೆ ಸ್ಪರ್ಧೆಯಲ್ಲಿ 65 ಫೋಟೋಗಳು ಬಂದಿದ್ದು ನವ್ ವರ್ನ್ ಪ್ರತಿನಿತ್ಯ ಒಂದು ತಂಡ ಹಾಗೂ ಸಮಗ್ರ ಎರಡು ಪ್ರಶಸ್ತಿ ನೀಡಿ ಗೌರವಿಸಲಾಯಿತು. ದಿಯಾ ವಿತ್ ರಂಗೋಲಿ ಸ್ಪರ್ಧೆಯಲ್ಲಿ ಪ್ರಥಮ ಹಾಗೂ ದ್ವಿತೀಯ ಇಬ್ಬರು ಸ್ಪರ್ಧಿಗಳಿಗೆ ಬಹುಮಾನ ವಿತರಿಸಲಾಯಿತು.

ಸಂಸ್ಥೆಯ ಮಾಲಕ ವಿಠಲ್ ಕುಲಾಲ್ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದರು. ಕಾರ್ಯಕ್ರಮ ಉದ್ಘಾಟಿಸಿದ ಬಿಜೆಪಿ ಮಂಗಳೂರು ಮಂಡಲ ಮಹಿಳಾ ಘಟಕದ ಅಧ್ಯಕ್ಷೆ ಮಾಧವಿ ಉಳ್ಳಾಲ ಮಾತನಾಡಿ ಜಿಲ್ಲೆಯ ಪ್ರತಿಷ್ಟಿತ ವಿಕೆ ಸಂಸ್ಥೆ ಅತಿ ಕಿರು ಅವಧಿಯಲ್ಲಿ ಗ್ರಾಹಕರ ಮನಸೂರೆಗೊಂಡಿದ್ದು ಸಂಸ್ಥೆಯ ಸಮಾಜಮುಖಿ ಚಟುವಟಿಕೆ ನಿಜಕ್ಕೂ ಶ್ಲಾಘನೀಯ ಎಂದರು.

ಬಿಜೆಪಿ ಮುಖಂಡರಾಗಿರುವ ಜಯಶ್ರೀ ಕೊಲ್ಯ, ಫ್ಯಾಷನ್ ಡಿಸೈನರ್ ಅರ್ಚನಾ, ಸಂಸ್ಥೆಯ ನಿರ್ದೇಶಕಿ ವಿನುತಾ ಕುಲಾಲ್ ಶುಭ ಹಾರೈಸಿದರು. ಸಂಸ್ಥೆಯ ಆಡಳಿತ ನಿರ್ದೇಶಕ ವಿಠಲ್ ಬಿ. ಕುಲಾಲ್ ಉಪಸ್ಥಿತರಿದ್ದರು. ಪ್ರಜ್ವಲ್ ಬಿ. ಕುಲಾಲ್ ಕಾರ್ಯಕ್ರಮ ನಿರೂಪಿಸಿದರು.