ವಿದ್ಯಾಭಾರತಿ ರಾಷ್ಟ್ರಮಟ್ಟದ ಈಜು ಸ್ಪರ್ಧೆ | ಸ್ಟೀವ್ ಜೆಫ್ ಲೋಬೋಗೆ 5 ಚಿನ್ನದ ಪದಕ

ಮಂಗಳೂರು: ಮಧ್ಯಪ್ರದೇಶದ ಮದಸ್ಸೂರಿನಲ್ಲಿ ಇತ್ತೀಚಿಗೆ ನಡೆದ ವಿದ್ಯಾಭಾರತಿ ರಾಷ್ಟ್ರಮಟ್ಟದ ಈಜು ಸ್ಪರ್ಧೆಯಲ್ಲಿ ಮಂಗಳೂರಿನ ಶಕ್ತಿ ಪಿಯು ಕಾಲೇಜಿನ ದ್ವಿತೀಯ ಪಿಯು ವಿದ್ಯಾರ್ಥಿ ಸ್ಟೀವ್ ಜೆಫ್ ಲೋಬೋ 5 ಚಿನ್ನದ ಪದಕಗಳನ್ನು ಪಡೆದು ಎಸ್ ಜಿ ಎಫ್ ಐ ರಾಷ್ಟ್ರೀಯ ಮಟ್ಟಕ್ಕೆ ಆಯ್ಕೆಯಾಗಿದ್ದಾರೆ.

50 ಮೀಟರ್, 100 ಮೀಟರ್ , 200 ಮೀಟರ್ ಬಟರ್ ಫ್ಲೈ ,4x100 ಫ್ರೀ ಸ್ಟೈಲ್ ರಿಲೇ ಹಾಗೂ 4x100 ಐ.ಎಮ್ ಮೆಡ್ಲೆ ರಿಲೇ ಯಲ್ಲಿ ಅವರು ಭಾಗವಹಿಸಿದ್ದರು. ಗುಜರಾತ್ ನ ರಾಜಕೋಟ್ ನಲ್ಲಿ ನವೆಂಬರ್ 23 ರಿಂದ 30 ರ ವರೆಗೆ ನಡೆಯಲಿರುವ 68ನೇ ಎಸ್ ಜಿ ಎಫ್ ಐ ರಾಷ್ಟ್ರೀಯ ಮಟ್ಟದ ಈಜು ಸ್ಪರ್ಧೆಯಲ್ಲಿ ಸ್ಟೀವ್ ಜೆಫ್ ಲೋಬೋ ವಿದ್ಯಾಭಾರತಿ ತಂಡವನ್ನು ಪ್ರತಿನಿಧಿಸಲಿದ್ದಾರೆ.

ಸ್ಟೀವ್ ಅವರಿಗೆ ಶಕ್ತಿ ವಿದ್ಯಾ ಸಂಸ್ಥೆಯ ತರಬೇತುದಾರರಾದ ನಾಗರಾಜ್ ಖಾರ್ವಿ ತರಬೇತಿ ನೀಡಿದ್ದಾರೆ. ಸ್ಟೀವ್ ಜೆಫ್ ಲೋಬೋ ಅವರು ಎಕ್ಕೂರು ನಿವಾಸಿ ಸಂತೋಷ್ ಹಾಗು ಜ್ಯೂಲಿಯೆಟ್ ದಂಪತಿಯ ಪುತ್ರ.