ದಮ್ಮಾಮ್: ನ.22ರಂದು 'ಕಲ್ಲಡ್ಕ ಗಲ್ಫ್ ಎನ್.ಆರ್.ಐ. ಮೀಟ್'

ದಮ್ಮಾಮ್: ಕಲ್ಲಡ್ಕ ಅಬ್ರಾಡ್ ಫೋರಂ (ಕಾಫ್) ವತಿಯಿಂದ ನವೆಂಬರ್ 22ರಂದು ಇಲ್ಲಿನ ದಿಲ್ಮುನ್ ರೆಸಾರ್ಟ್ ನಲ್ಲಿ ‘ಕಲ್ಲಡ್ಕ ಗಲ್ಫ್ ಎನ್ ಆರ್ ಐ ಮೀಟ್’ಹಮ್ಮಿಕೊಳ್ಳಲಾಗಿದೆ.

ಸಮಾವೇಶದ ಭಾಗವಾಗಿ ಸಭಾ ಕಾರ್ಯಕ್ರಮ ಸೇರಿದಂತೆ ಸಾಧಕರಿಗೆ ಸನ್ಮಾನ, ವಿವಿಧ ಮನೋರಂಜನಾ ಕ್ರೀಡೆಗಳು, ಸ್ಕಿಟ್, ಹಾಡು, ಡಾಕ್ಯುಮೆಂಟರಿ ಪ್ರದರ್ಶನ ಹೀಗೆ ಹಲವು ಕಾರ್ಯಕ್ರಮಗಳು ನಡೆಯಲಿವೆ

ಸೌದಿ ಅರೇಬಿಯಾದ ವಿವಿಧ ಪ್ರಾಂತ್ಯಗಳು, ದುಬೈ, ಬಹರೈನ್, ಭಾರತದಿಂದ ಹಲವು ಗಣ್ಯರು ಕಾರ್ಯಕ್ರಮದಲ್ಲಿ ಭಾಗವಹಿಸಲಿದ್ದಾರೆ.

ಕಲ್ಲಡ್ಕ ಅಬ್ರಾಡ್ ಫೋರಮ್ ಗಲ್ಫ್ ರಾಷ್ಟ್ರಗಳಲ್ಲಿರುವ ಕಲ್ಲಡ್ಕದ ಅನಿವಾಸಿಗಳ ನೆರವಿಗಾಗಿ ಸ್ಥಾಪಿಸಲಾದ ವೇದಿಕೆಯಾಗಿದೆ ಎಂದು ಕಲ್ಲಡ್ಕ ಅಬ್ರಾಡ್ ಫೋರಂ ಪ್ರಧಾನ ಕಾರ್ಯದರ್ಶಿ ಅಬ್ದುಲ್ ಜಾಬಿರ್ ಪ್ರಕಟನೆಯಲ್ಲಿ ತಿಳಿಸಿದ್ದಾರೆ.