ಪ್ರಹ್ಲಾದ್ ಜೋಶಿಗೆ ಮತ ಹಾಕಬೇಡಿ: ದಿಂಗಾಲೇಶ್ವರ ಸ್ವಾಮೀಜಿ

ಹುಬ್ಬಳ್ಳಿ: ಪ್ರಹ್ಲಾದ ಜೋಶಿಯವರಿಗೆ ಮತ ಹಾಕಬೇಡಿ ಎಂದು ಶಿರಹಟ್ಟಿ ಮಠದ ಫಕೀರ ದಿಂಗಾಲೇಶ್ವರ ಸ್ವಾಮೀಜಿ ಕರೆ ನೀಡಿದ್ದಾರೆ.

ಧಾರವಾಡ ಜಿಲ್ಲೆಯ ಕುಂದಗೋಳ ಪಟ್ಟಣದಲ್ಲಿ ಮತದಾರರ ಬೃಹತ್ ಜಾಗೃತಿ ಸಭೆಯಲ್ಲಿ ಅವರು ಮಾತನಾಡುತ್ತಿದ್ದರು.

ಜೋಶಿ ಅವರನ್ನು ಮನೆಗೆ ಕಳುಹಿಸುವವರೆಗೂ ನಾನು ಕೊರಳಲ್ಲಿ ಮಾಲೆ ಹಾಕಲ್ಲ. ಈಗಾಗಲೇ ಇದನ್ನು ನಾನು ಶಪಥ ಮಾಡಿದ್ದೇನೆ. ಯಾವಾಗ ಪ್ರಹ್ಲಾದ ಜೋಶಿ ಚುನಾವಣೆಯಲ್ಲಿ ಸೋತು ಮನೆಗೆ ಹೋಗ್ತಾರೆ ಅವಾಗ ನಾನು ಕೊರಳಲ್ಲಿ ಮಾಲೆ ಹಾಕುವೆ ಎಂದು ಹೇಳಿದರು.

ಈ‌ಗ ನಡೆಯುತ್ತಿರುವ ಚುನಾವಣೆಯಲ್ಲಿ ಜೋಶಿಗೆ ಮತದಾನ ಮಾಡಬೇಡಿ ಅವರನ್ನು ಸೋಲಿಸಿ. ನನ್ನ ಕೊರಳಿನಲ್ಲಿ ಮಾಲೆ ಹಾಕಿಕೊಳ್ಳಲು ಅವಕಾಶ ಮಾಡಿಕೊಡಿ ಎಂದು ದಿಂಗಾಲೇಶ್ವರ ಸ್ವಾಮೀಜಿ ಹೇಳಿದ್ದಾರೆ.