ರಾಜ್ಯ ಸರಕಾರಿ ನೌಕರರ ಚುನಾವಣೆ: ನಾಮಪತ್ರ ಸಲ್ಲಿಕೆ

ಉಡುಪಿ, ನ.5: ಕರ್ನಾಟಕ ರಾಜ್ಯ ಸರಕಾರಿ ನೌಕರರ ಸಂಘದ ಉಡುಪಿ ಜಿಲ್ಲಾ ಶಾಖೆಯ ಕಾರ್ಯಕಾರಿ ಸಮಿತಿಯ ನಿರ್ದೆಶಕರ ಸ್ಥಾನಕ್ಕೆ ತೋನ್ಸೆ ಕೆಮ್ಮಣ್ಣು ಗ್ರಾಮ ಪಂಚಾಯತ್ ಕಾರ್ಯದರ್ಶಿ ದಿನಕರ ಮತ್ತು ಉದ್ಯಾವರ ಗ್ರಾಮ ಪಂಚಾ ಯತ್ ಕಾರ್ಯದರ್ಶಿ ಶಿವರಾಜು.ಎಂ ಇಂದು ಉಡುಪಿಯ ಜಿಲ್ಲಾ ಸರಕಾರಿ ನೌಕರರ ಭವನದ ಚುನಾವಣಾಧಿಕಾರಿಗಳ ಸಮ್ಮುಖದಲ್ಲಿ ನಾಮಪತ್ರ ಸಲ್ಲಿಸಿದರು.

ಈ ಸಂದರ್ಭದಲ್ಲಿ ಪಂಚಾಯತ್ ಅಭಿವೃದ್ದಿ ಅಧಿಕಾರಿಗಳ ಕ್ಷೇಮಾಭಿವೃದ್ದಿ ಸಂಘದ ಉಡುಪಿ ಜಿಲ್ಲಾಧ್ಯಕ್ಷ ಮಂಜುನಾಥ ಶೆಟ್ಟಿ, ಪಂಚಾಯತ್ ಅಭಿವೃದ್ದಿ ಅಧಿಕಾರಿಗಳಾದ ಉಮಾಶಂಕರ್ ಹೇರಿಕುದ್ರು, ರಮೇಶ್ ಎಚ್.ಆರ್., ನಾಗೇಂದ್ರ ಹಾಗೂ ಕಾರ್ಯದರ್ಶಿ ಸಂಘದ ಪದಾಧಿಕಾರಿಗಳಾದ ಗಣೇಶ್ ಎಂ., ದಿನೇಶ್ ಶೆಟ್ಟಿ, ಗುರುರಾಜ್, ಲೆಕ್ಕ ಸಹಾಯಕರ ಸಂಘದ ಪದಾಧಿಕಾರಿ ಗಳಾದ ಹರೀಶ್, ವಾರಿಜ ಬಿ., ಕಲ್ಲಪ್ಪ ಖಾವಸ್ತ ಮತ್ತಿತರರು ಉಪಸ್ಥಿತರಿದ್ದರು.