ಎಮ್.ಎನ್.ಜಿ. ಫೌಂಡೇಶನ್ ಮಂಗಳೂರು ಸಂಸ್ಥೆ ವತಿಯಿಂದ ಆರನೇ ಮನೆ ಹಸ್ತಾಂತರ

ಮಂಗಳೂರು: ಎಮ್.ಎನ್.ಜಿ. ಫೌಂಡೇಶನ್(ರಿ) ಮಂಗಳೂರು ಸಂಸ್ಥೆಯ ಯೋಜನೆಗಳಲ್ಲಿ ಒಂದಾದ "ಸೂರಿಲ್ಲದವರಿಗೊಂದು ಸೂರು" ಯೋಜನೆಯ ಭಾಗವಾಗಿ ಮಂಗಳೂರು ತಾಲೂಕಿನ ಬೆಂಗ್ರೆ ಕಸಬಾ ಸಮೀಪದ ಮಕ್ಬೂಲ್ ಅವರಗೆ ಆರನೇ ಮನೆ ಹಸ್ತಾಂತರ ಕಾರ್ಯಕ್ರಮ MNG ಫೌಂಡೇಶನ್ ಸಂಸ್ಥೆಯ ಸ್ಥಾಪಕಾಧ್ಯಕ್ಷರಾದ ಇಲ್ಯಾಸ್ ಮಂಗಳೂರು ಇವರ ಅಧ್ಯಕ್ಷತೆಯಲ್ಲಿ ರವಿವಾರ ನಡೆಯಿತು.

ಕಸಬಾ ಬೆಂಗ್ರೆಯ ಮುಹಿಯುದ್ದೀನ್ ಜುಮಾ ಮಸೀದಿಯ ಖತೀಬ್ ನಾಸಿರ್ ಕೌಸರಿ ಇವರು ದುಆ ಮಾಡುವ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು. ಕಸಬಾ ಬೆಂಗ್ರೆಯ ಮುಹಿಯುದ್ದೀನ್ ಜುಮಾ ಮಸೀದಿಯ ಅಧ್ಯಕ್ಷರಾದ ಬಿಲಾಲ್ ಮೊಯ್ದಿನ್ ಹಾಗೂ ಯುವ ಉದ್ಯಮಿ, ಕೊಡುಗೈ ದಾನಿ ಅಬ್ದುಲ್ ಲತೀಫ್,ಗುರುಪುರ ಇವರು ಜಂಟಿಯಾಗಿ ಮನೆ ಹಸ್ತಾಂತರ ಮಾಡುವ ಕಾರ್ಯಕ್ರಮವನ್ನು ಉದ್ಘಾಟಿಸಿದರು.

ಇಲ್ಯಾಸ್ ಮಂಗಳೂರು ಪ್ರಾಸ್ತವಿಕ ಮಾತನಾಡಿದರು. ಬಿಲಾಲ್ ಮೊಯ್ದೀನ್ ಹಾಗೂ ಮುನೀಬ್ ಬೆಂಗ್ರೆ ಮಾತನಾಡಿ ಶುಭ ಹಾರೈಸಿದರು.

ಈ ಸಂದರ್ಭ ಕಸಬಾ ಬೆಂಗ್ರೆಯ ಕಾರ್ಪೊರೇಟರ್ ಮುನೀಬ್ ಬೆಂಗ್ರೆ, MNG ಫೌಂಡೇಶನ್ ಸಂಸ್ಥೆಯ ಪದಾಧಿಕಾರಿಗಳಾದ ಮನ್ಸೂರ್ ಬಿಸಿರೋಡ್, ರಫೀಕ್ ಪರ್ಲಿಯ, ನಕಾಶ್ ಬಾಂಬಿಲ, ಜಲೀಲ್ ಉಪ್ಪಿನಂಗಡಿ, ಸಂಸ್ಥೆಯ ಸದಸ್ಯರಾದ ಇರ್ಷಾದ್ ಮಾರಿಪಲ್ಲ, ಫಯಾಝ್ ಮಾರಿಪಲ್ಲ, ಅಝ್ವೀರ್ ಬೆಂಗ್ರೆ, ರಹಿಮಾನ್ ಅಮೆಮಾರ್, ಶೇಕುಞಿ ಕರಾಯ, ಸುಹೈಲ್ ಕಣ್ಣೂರ್, ಶಬನಾ ಕಾವಲ್ ಕಟ್ಟೆ ಹಾಗೂ ಸ್ಥಳೀಯರಾದ ನಝೀರ್ ಹುಸೇನ್ ಬೆಂಗ್ರೆ, ಇಮ್ತಿಯಾಜ್ DX, ಇಮ್ರಾನ್ DX, ಅಝ್ಗರ್ DX ಹಾಗೂ ಮತ್ತಿರರು ಉಪಸ್ಥಿತರಿದ್ದರು.

ನಕಾಶ್ ಬಾಂಬಿಲ ಸ್ವಾಗತ ಮಾಡಿ, ಕಾರ್ಯಕ್ರಮ ನಿರೂಪಿಸಿದರು. ರಫೀಕ್ ಪರ್ಲಿಯ ವಂದಿಸಿದರು.