ಬರಕಾ ಇಂಟರ್‌ನ್ಯಾಷನಲ್ ಸ್ಕೂಲ್‌ನ ವಾರ್ಷಿಕೋತ್ಸವ
Update: 2024-11-25 15:25 GMT
ಮಂಗಳೂರು: ಅಡ್ಯಾರಿನ ಬರಕಾ ಇಂಟರ್‌ನ್ಯಾಷನಲ್ ಸ್ಕೂಲ್ ಕಾಲೇಜಿನಲ್ಲಿ ಎರಡು ದಿನಗಳ ವಾರ್ಷಿಕೋತ್ಸವ ಕಾರ್ಯಕ್ರಮ ‘‘ಬ್ಲೂಮಿಂಗ್ ಮೈಂಡ್ಸ್’’ ನ.23 ಹಾಗೂ 24ರಂದು ಜರುಗಿತು.
ಸಾಂಸ್ಕೃತಿಕ ಕಾರ‌್ಯಕ್ರಮಕ್ಕೂ ಮುನ್ನ ನಡೆದ ಸಭಾ ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಯಾಗಿ ವಿಧಾನ ಪರಿಷತ್ ಸದಸ್ಯ ಐವನ್ ಡಿಸೋಜ , ಡಾ. ಸಹ್‌ಲಾ ಹುಸೈನ್, ಸಬೀಹಾ ಫಾತಿಮಾ, ಸಮೀನಾ ಅಶ್ಫಾನ್, ಮಂಜುಳಾ ನಾಯಕ್, ಮೂಸಬ್ಬ ಪಿ ಬ್ಯಾರಿ, ಎ.ಕೆ. ಕುಕ್ಕಿಲ, ಉನ್ಹಿ ಬ್ಯಾರಿ ಪಿ, ಯಹ್ಯಾ ತಂಙಳ್, ಸುರೇಂದ್ರ ಕಂಬಳಿ, ಮೌಲಾನಾ ಶುಐಬ್ ನದ್ವಿ, ವಿಕ್ರಾಂತ್ ಕಂಬಳಿ ಮೊದಲಾದ ಗಣ್ಯರು ಭಾಗವಹಿಸಿದ್ದರು.
ಬರಕಾ ಸಂಸ್ಥೆಯ ಅಧ್ಯಕ್ಷ ಅಶ್ರಫ್ ಬಜ್ಪೆ ಕಾರ‌್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದರು.
ಇದೇ ಸಂದರ್ಭ ಪ್ರತಿಭಾವಂತ ವಿದ್ಯಾರ್ಥಿಗಳನ್ನು ಹಾಗೂ ಕುರ್‌ಆನ್ ಕಂಠಪಾಠದಲ್ಲಿ (ಹಿಫ್ಲ್) ಸಾಧನೆಗೈದ ವಿದ್ಯಾರ್ಥಿ ಗಳನ್ನು ಸನ್ಮಾನಿಸಲಾಯಿತು.
ವಿದ್ಯಾರ್ಥಿಗಳಿಂದ ನಡೆದ ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮ ನಡೆಯಿತು. ಕಾರ್ಯಕ್ರಮದಲ್ಲಿ ಸಂಘಟಿಸಲಾಗಿದ್ದ ಇಸ್ಲಾಮಿಕ್ ವಸ್ತು ಪ್ರದರ್ಶನದ ಸ್ಟಾಲ್ ವಿಶೇಷ ಆಕರ್ಷಣೆಯಾಗಿತ್ತು.