ಬಜ್ಪೆ: ಉಚಿತ ಸ್ವ ಉದ್ಯೋಗ ತರಬೇತಿ ಶಿಬಿರ

ಬಜ್ಪೆ: ರೋಯಲ್ ಗ್ಲೇಮ್ ಕಂಪೆನಿ ಮತ್ತು ಸೌಹಾರ್ದ ಮೂಡುಬಿದಿರೆ ಕೋ ಆರ್ಡಿನೇಷನ್ ಹಾಗೂ ವಿಮೆನ್ಸ್ ಇಂಡಿಯಾ ಮೂವ್ಮೆಂಟ್ ಬಜ್ಪೆ ಯೂನಿಟ್ ಇದರ ಜಂಟಿ ಆಶ್ರಯದಲ್ಲಿ ಮಹಿಳೆಯರಿಗೆ ಉಚಿತ ಎಲ್ಇಡಿ ಬಲ್ಬ್ ನ ಅಸೆಂಬ್ಲಿಂಗ್ ಮಾಡುವ ತರಬೇತಿ ಶಿಬಿರವು ಬಜ್ಪೆಯ ರೋಯಲ್ ಹೇರಿಟೇಜ್ ಕಟ್ಟಡದಲ್ಲಿ ನಡೆಯಿತು.

ರೋಯಲ್ ಗ್ಲೇಮ್ ಕಂಪೆನಿಯ ಪದಾಧಿಕಾರಿಗಳು ಎಲ್ಇಡಿ ಬಲ್ಬ್ ಅಸೆಂಬ್ಲಿಂಗ್ ಮಾಡುವ ವಿಧಾನ ಮತ್ತು ಅದರ ಪ್ರಯೋಜನದ ಕುರಿತು ಮಾಹಿತಿ ನೀಡಿದರು.

ಈ ಕಾರ್ಯಕ್ರಮದಲ್ಲಿ ಸುಮಾರು 70ಕ್ಕೂ ಹೆಚ್ಚು ಮಹಿಳೆಯರು ಭಾಗವಹಿಸಿ, ಪ್ರಯೋಜನ ಪಡೆದರು.

ರೋಯಲ್ ಗ್ಲೇಮ್ ಕಂಪೆನಿಯ ಮಾಲಕ ಅಬ್ದುಲ್ ಹಮೀದ್ ಮತ್ತು ತರಬೇತಿದಾರ ಮೊಹಮ್ಮದ್ ಹುಸೇನ್ ಕಾರ್ಯಕ್ರಮ ನಡೆಸಿಕೊಟ್ಟರು.

ಈ ಸಂದರ್ಭ ಮೊಹಮ್ಮದ್ ಶಾಕಿರ್, ಮೊಹಮ್ಮದ್ ಶಾಫಿ, ಶೇಕ್ ಫಾರಿಝ್, ಯಾಕೀನುಲ್ಲಾ, ವಿಮೆನ್ಸ್ ಇಂಡಿಯಾ ಮೂವ್ಮೆಂಟ್ ನ ಸದಸ್ಯರಾದ ರಿಫಾತ್ ಜಹಾನ್ ಮತ್ತು ಸಾರಿಕಾ ಉಪಸ್ಥಿತರಿದ್ದರು.