ಯುಪಿಎಸ್‌ಸಿ ಫಲಿತಾಂಶ: 11 ಮಹಿಳಾ ಅಭ್ಯರ್ಥಿಗಳ ಸಹಿತ ಜಾಮಿಯಾ ಮಿಲ್ಲಿಯಾದ 31 ಮಂದಿ ತೇರ್ಗಡೆ
Update: 2024-04-16 11:46 GMT
ಜಾಮಿಯಾ ಮಿಲ್ಲಿಯಾ ಇಸ್ಲಾಮಿಯಾ
ಹೊಸದಿಲ್ಲಿ: ಇಂದು ಪ್ರಕಟಗೊಂಡ ಯುಪಿಎಸ್‌ಸಿ ಅಂತಿಮ ಫಲಿತಾಂಶಗಳಲ್ಲಿ ದಿಲ್ಲಿಯ ಜಾಮಿಯಾ ಮಿಲ್ಲಿಯಾ ಇಸ್ಲಾಮಿಯಾದ ಒಟ್ಟು 31 ಅಭ್ಯರ್ಥಿಗಳು ತೇರ್ಗಡೆಗೊಂಡಿದ್ದಾರೆ. ಇವರ ಪೈಕಿ 11 ಮಂದಿ ಮಹಿಳಾ ಅಭ್ಯರ್ಥಿಗಳಾಗಿದ್ದಾರೆ.
ಜಾಮಿಯಾದ ವಿದ್ಯಾರ್ಥಿನಿ, ಗೋರಖಪುರದ ನೌಶೀನ್‌ ಅಖಿಲ ಭಾರತ ಮಟ್ಟದಲ್ಲಿ 9ನೇ ರ್ಯಾಂಕ್‌ ಪಡೆದಿದ್ದಾರೆ. ಸಂಸ್ಥೆಯ ಅಭ್ಯರ್ಥಿಗಳ ಪೈಕಿ ತೇರ್ಗಡೆಗೊಂಡ ವಿದ್ಯಾರ್ಥಿನಿಯರಲ್ಲಿ ದಿವ್ಯಾಂಶಿ ಸಿಂಗ್ಲ, ಹರ್ಷಿತ ಶರ್ಮ, ಫರ್ದೀನ್‌ ಝಹೀದ್‌, ಪ್ರೇರಣಾ ಸಿಂಗ್‌ ಸೇರಿದ್ದಾರೆ.
ಜೆಎಂಐ ರೆಸಿಡೆನ್ಶಿಯಲ್‌ ಕೋಚಿಂಗ್‌ ಸಂಸ್ಥೆಯಿಂದ ಒಟ್ಟು 151 ಮಂದಿ ಯುಪಿಎಸ್‌ಸಿ ಲಿಖಿತ ಪರೀಕ್ಷೆಗೆ ಹಾಜರಾಗಿದ್ದರು. ಇವರ ಪೈಕಿ 71 ಮಂದಿ ಸಂದರ್ಶನಕ್ಕೆ ಹಾಜರಾಗಿದ್ದರು ಹಾಗೂ ಅಂತಿಮವಾಗಿ 31 ಮಂದಿ ಆಯ್ಕೆಯಾಗಿದ್ದರು.