ಮನೆಮಗನ ಹ್ಯಾಟ್ರಿಕ್ ಸೋಲಿಗೆ ಮೈಪರಚಿಕೊಳ್ಳುತ್ತಿರುವವರಾ?: ಕಾಂಗ್ರೆಸ್ ಪ್ರಶ್ನೆ

ಬೆಂಗಳೂರು : ‘ಪಳೆಯುಳಿಕೆ ಪಕ್ಷ ಯಾವುದು. 19 ಸ್ಥಾನದಿಂದ 18 ಸ್ಥಾನಕ್ಕೆ ಕುಸಿದವರಾ ಅಥವಾ 136 ರಿಂದ 138 ಸ್ಥಾನಕ್ಕೆ ಏರಿ ಸುಭದ್ರ, ಜನಪರ ಸರಕಾರ ನಡೆಸುತ್ತಿರುವವರಾ?’ ಎಂದು ಕಾಂಗ್ರೆಸ್, ಜೆಡಿಎಸ್ ವಿರುದ್ಧ ವಾಗ್ದಾಳಿ ನಡೆಸಿದೆ.

ಸೋಮವಾರ ಎಕ್ಸ್‌ನಲ್ಲಿ ಜೆಡಿಎಸ್ ಟ್ವೀಟ್‍ಗೆ ಪ್ರತಿಕ್ರಿಯೆ ನೀಡಿರುವ ಕಾಂಗ್ರೆಸ್, ತಾತ ಮಾಜಿ ಪ್ರಧಾನಿ, ತಂದೆ ಮಾಜಿ ಮುಖ್ಯಮಂತ್ರಿಯಾದರೂ ಮನೆಮಗನ ಹ್ಯಾಟ್ರಿಕ್ ಸೋಲಿಗೆ ಮೈಪರಚಿಕೊಳ್ಳುತ್ತಿರುವವರಾ?. ಅಸ್ಥಿತ್ವಕ್ಕಾಗಿ ನಂಬಿದ ಸಿದ್ಧಾಂತವನ್ನೇ ಮೂಲೆಗೆಸೆದು ಕೋಮುವಾದಿಗಳ ಸಖ್ಯ ಬೆಳೆಸಿದವರಾ?’ ಎಂದು ಪ್ರಶ್ನಿಸಿದೆ.

‘ಇನ್ನೊಬ್ಬರ ಬಚ್ಚಲು ಮನೆ ಬಗ್ಗಿ ನೋಡುವ ಬಗ್ಗೆ ಪರಪ್ಪನ ಅಗ್ರಹಾರದಲ್ಲಿರುವ ಮತ್ತೊಬ್ಬ ಮನೆಮಗನನ್ನು ಕೇಳಿ. ಚನ್ನಪಟ್ಟಣದ ಫಲಿತಾಂಶ ನಿಮ್ಮ ಪಕ್ಷದ ಐರನ್ ಲೆಗ್ ಯಾರು ಎನ್ನುವುದನ್ನು ನಿಮಗೇ ತೋರಿಸಿಕೊಟ್ಟಿದೆ’ ಎಂದು ಕಾಂಗ್ರೆಸ್ ಇದೇ ವೇಳೆ ಲೇವಡಿ ಮಾಡಿದೆ.

Full View