ಮನಪಾ: ಡಿ.16ರಿಂದ 18ರವರೆಗೆ ಇ-ಖಾತಾ ತಿದ್ದುಪಡಿ ಅದಾಲತ್

ಮಂಗಳೂರು, ನ.29: ಮಹಾನಗರ ಪಾಲಿಕೆ ವ್ಯಾಪ್ತಿಯ ಆಸ್ತಿಗಳಿಗೆ ಇ- ಆಸ್ತಿ ತಂತ್ರಾಂಶದ ಮೂಲ ಇ ಖಾತಾಗಳನ್ನು ವಿತರಿಸಲಾಗುತ್ತಿದ್ದು, ಅದರಲ್ಲಿ ಯಾವುದೇ ತಿದ್ದುಪಡಿಗಳು ಅಗತ್ಯವಿದ್ದಲ್ಲಿ ಡಿ. 16ರಿಂದ 18ರವರೆಗೆ ಮೂರು ವಲಯ ಕಚೇರಿಗಳಲ್ಲಿ ತಿದ್ದುಪಡಿ ಅದಾಲತ್ ನಡೆಸಲಾಗುವುದು ಎಂದು ಪಾಲಿಕೆಯ ಆಯುಕ್ತರ ಪ್ರಕಟನೆ ತಿಳಿಸಿದೆ.

ಕಾವೇರಿ - 2 ತಂತ್ರಾಂಶದೊಂದಿಗೆ ಇ ಆಸ್ತಿ ತಂತ್ರಾಂಶ ಸಂಯೋಜನೆ ಮಾಡಲಾಗಿದೆ. ಸಾರ್ವಜನಿಕರು ಇದರ ಸದುಪಯೋಗ ಪಡೆಯುತ್ತಿದ್ದು, ನೀಡಲಾಗಿರುವ ಇ ಖಾತೆಗಳಲ್ಲಿ ತಿದ್ದುಪಡಿ ಅಗತ್ಯವಿದ್ದಲ್ಲಿ ಡಿ. 16ರಂದು ಸುರತ್ಕಲ್ ವಲಯ ಕಚೇರಿ, ಲಾಲ್‌ಬಾಗ್ ಕೇಂದ್ರ ಕಚೇರಿಯಲ್ಲಿ ಡಿ. 17 ಹಾಗೂ ಕದ್ರಿ ವಲಯ ಕಚೇರಿಲ್ಲಿ ಡಿ. 18ರಂದು ಬೆಳಗ್ಗೆ 10ರಿಂದ 5.30ರವರೆಗೆ ಅದಾಲತ್ ನಡೆಯಲಿದೆ.

ಕಟ್ಟಡ ನಂಬ್ರ ತಿದ್ದುಪಡಿ- ನೋಂದಾಯಿತ ದಸ್ತಾವೇಜು, ಕಟ್ಟಡ ತೆರಿಗೆ ಪಾವತಿ ರಶೀದಿ ಪ್ರತಿ, ಹೆಸರು ತಿದ್ದುಪಡಿ- ನೋಂದಾಯಿತ ದುರಸ್ತಿ ಪತ್ರ ದಸ್ತಾವೇಜು, ಕ್ರಯಸಾಧನ, ನೋಂದಾಯಿತ ವೀಲುನಾಮೆ, ದಾನಪತ್ರ, ವಿಸ್ತೀರ್ಣ ತಿದ್ದುಪಡಿ- ನೋಂದಾಯಿತ ದಸ್ತವೇಜು, ವಿನ್ಯಾಸ ಅನುಮೋದನೆ, ಚಕ್ಕುಬಂದಿ-ನೋಂದಾಯಿತ ದಸ್ತವೇಜು, ವಿನ್ಯಾಸ ಅನುಮೋದನೆಯೊಂದಿಗೆ ತಿದ್ದುಪಡಿ ಮಾಡಲು ಅವಕಾಶ ಕಲ್ಪಿಸಲಾಗಿದೆ ಎಂದು ಪಾಲಿಕೆಯ ಉಪ ಆಯುಕ್ತರು