ಕಲಬುರಗಿ | ತೊನಸನಹಳ್ಳಿ(ಎಸ್) ಗ್ರಾಮ ಪಂಚಾಯತ್‌ ಉಪಚುನಾವಣೆ : ಶೃತಿ ಕಟ್ಟಿಮನಿ ಅವಿರೋಧ ಆಯ್ಕೆ

ಕಲಬುರಗಿ : ಶಹಾಬಾದ ತಾಲೂಕಿನ ತೊನಸನಹಳ್ಳಿ(ಎಸ್) ಗ್ರಾಮ ಪಂಚಾಯತ್ ವಾರ್ಡ ಸಂಖ್ಯೆ 5ರ ತೆರವಾದ ಸ್ಥಾನಕ್ಕೆ ನಡೆದ ಉಪಚುನಾವಣೆಯಲ್ಲಿ ಶೃತಿ ಶ್ರೀಕಾಂತ ಕಟ್ಟಿಮನಿ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ ಎಂದು ಚುನಾವಣಾಧಿಕಾರಿ ಏವನಾಥ ರಾಠೋಡ ಹಾಗೂ ಸಹಾಯಕ ಚುನಾವಣಾಧಿಕಾರಿ ನಿಂಗಪ್ಪ ಕೆಂಭಾವಿ ತಿಳಿಸಿದ್ದಾರೆ.

ತೊನಸನಹಳ್ಳಿ(ಎಸ್) ಗ್ರಾಮ ಪಂಚಾಯತ್‌ನ ವಾರ್ಡ ನಂ. 5ರ ಸದಸ್ಯರಾಗಿದ್ದ ಸಂತೋಷ ಅವರ ಮರಣದಿಂದ ತೆರವಾದ ಸ್ಥಾನಕ್ಕೆ ಉಪಚುನಾವಣೆ ನಿಗದಿಯಾಗಿತ್ತು. ಸಾಮಾನ್ಯ ವರ್ಗಕ್ಕೆ ಮೀಸಲಾದ ಸ್ಥಾನಕ್ಕೆ ಶೃತಿ ಶ್ರೀಕಾಂತ ಕಟ್ಟಿಮನಿ ಹಾಗೂ ಮಲ್ಲಿಕಾರ್ಜುನ ಕಟ್ಟಿಮನಿ ನಾಮಪತ್ರ ಸಲ್ಲಿಸಿದ್ದರು. ನಂತರ ನಾಮಪತ್ರ ಪರಿಶೀಲನೆ ಕೈಗೊಂಡಾಗ ಮಲ್ಲಿಕಾರ್ಜುನ ಕಟ್ಟಿಮನಿ ಅವರ ನಾಮಪತ್ರ ರದ್ದುಗೊಂಡಿದ್ದರಿoದ ಶೃತಿ ಕಟ್ಟಿಮನಿ ಅವರು ಅವಿರೋಧವಾಗಿ ಆಯ್ಕೆಗೊಂಡಿದ್ದಾರೆ ಎಂದು ಚುನಾವಣಾಧಿಕಾರಿಗಳು ತಿಳಿಸಿದ್ದಾರೆ.

ಇದೇ ವೇಳೆ ಅವಿರೋಧವಾಗಿ ಆಯ್ಕೆಯಾದ ಶೃತಿ ಕಟ್ಟಿಮನಿ ಅವರಿಗೆ ಚುನಾವಣಾ ಪ್ರಮಾಣ ಪತ್ರ ನೀಡಿ ಗೌರವಿಸಿದರು.

ಈ ಸಂದರ್ಭದಲ್ಲಿ ಗ್ರಾಪಂ ಸದಸ್ಯರಾದ ಫಯಾಜ್, ಸಿದ್ಧಾರ್ಥ ಮಲ್ಲಿಕಾರ್ಜುನ ತಳವಾರ, ವಿಜಯಕುಮಾರೆ ಹಳ್ಳಿ,ಶಂಕರ ಅಳ್ಳೊಳ್ಳಿ, ಮಾಣಿಕ್ಗೌಡ, ಕೃಷ್ಣಪ್ಪ ಕರಣಿಕ್, ವೀರಯ್ಯಸ್ವಾಮಿ ತರನಳ್ಳಿ, ಹರಿಶ್ಚಂದ್ರ ಕೋಬಾಳಕರ್, ಶರಣಪ್ಪ ದೊಡ್ಡಮನಿ, ಮೈನೋದ್ದಿನ್ ಕರದಳ್ಳಿ, ಮಹಾದೇವ ತರನಳ್ಳಿ, ನೂರ್ ಅಹ್ಮದ್, ಹೈಯಾಳಪ್ಪ ಹಿರೇನೂರ ಇತರರು ಉಪಸ್ಥಿತರಿದ್ದರು.

Full View