ಮಿತ್ತೂರು | ಮಲೈಬಾರ್ ಥೀಮ್ ಟಾಕ್ ವಿಚಾರ ಸಂಕಿರಣ

ಬಂಟ್ವಾಳ: ಮಿತ್ತೂರಿನ ಕೆ.ಜಿ.ಎನ್. ದ‌ಅ್‌ವಾ ಕಾಲೇಜಿನ ವಿದ್ಯಾರ್ಥಿಗಳ ಸಂಘಟನೆ ಮುಈನುಸ್ಸುನ್ನ ಸ್ಟೂಡೆಂಟ್ಸ್ ಅಸೋಸಿಯೇಶನ್ ವತಿಯಿಂದ ಫಿದಾಖ್- 6 ಕಲಾ‌- ಸಾಂಸ್ಕೃತಿಕ ಕಾರ್ಯಕ್ರಮದ ಅಂಗವಾಗಿ ಬುಧವಾರ ಮಸ್ಜಿದ್ ಬದ್ರ್ ಉದ್ಯಾನದಲ್ಲಿ ಮಲೈಬಾರ್ ಥೀಮ್ ಟಾಕ್ ವಿಚಾರ ಸಂಕಿರಣ ನಡೆಯಿತು.

'ಬ್ಯಾರಿ ಜನಾಂಗ ಬೆಳೆದು ಬಂದ ಹಾದಿ' ವಿಷಯದ ಕುರಿತು ಲೇಖಕ‌ ಇಸ್ಮತ್ ಫಜೀರ್, 'ಕರ್ನಾಟಕ ಕರಾವಳಿಯ ಭಾಷೆಗಳ ವೈಭವ' ವಿಷಯದ ಕುರಿತು ಹಿರಿಯ ಪತ್ರಕರ್ತ ಹಂಝ ಮಲಾರ್ ವಿಚಾರ ಮಂಡಿಸಿದರು. ಕೆ.ಜಿ.ಎನ್. ದ‌ಅವಾ ಕಾಲೇಜಿನ ಉಪನ್ಯಾಸಕ ಎ.ಕೆ. ನಂದಾವರ ಕಾರ್ಯಕ್ರಮ ನಿರೂಪಿಸಿದರು.

ಸಂಸ್ಥೆಯ ಮುದರ್ರಿಸ್‌ಗಳಾದ ಶಾಹುಲ್ ಹಮೀದ್ ಅದನಿ ಅಲ್ ಮುಈನಿ, ಇಸ್ಮಾಈಲ್ ರಾಶಿದ್ ಸಖಾಫಿ ಅಲ್ ಮುಈನಿ ಉಪಸ್ಥಿತರಿದ್ದರು.