ಚಿಕ್ಕಬಳ್ಳಾಪುರ: ಬಸ್‌ ಪಲ್ಟಿಯಾಗಿ ಇಬ್ಬರು ಮೃತ್ಯು, ಹಲವರಿಗೆ ಗಾಯ

ಬಾಗೇಪಲ್ಲಿ: ತಾಲೂಕಿನ ಪಾತಪಾಳ್ಯ ಗ್ರಾಮಕ್ಕೆ 3ಕೀ.ಮಿ ದೂರದ ಕನಕೀರ್ಲಗುಟ್ಟ ಬಳಿ ಖಾಸಗಿ ಬಸ್ ಚಾಲಕನ ನಿಯಂತ್ರಣ ತಪ್ಪಿ ಮರಕ್ಕೆ ಢಿಕ್ಕಿ ಹೊಡೆದು ಪಲ್ಟಿಯಾದ ಪರಿಣಾಮ ಇಬ್ಬರು ಮೃತಪಟ್ಟು, 22 ಹೆಚ್ಚು ಪ್ರಯಾಣಿಕರಿಗೆ ತೀವ್ರ ಸ್ವರೂಪದ ಗಾಯಗಳಾಗಿವೆ.

ಬೆಳಗ್ಗೆ 10-45 ಚೇಳೂರಿನಿಂದ 45 ಪ್ರಯಾಣಿಕರನ್ನು ಹೊತ್ತ ವೆಂಕಟೇಶ್ವರ ಎಂಬ ಖಾಸಗಿ ಬಸ್ ಚಾಕವೇಲು ನಾರೇಮದ್ದೇಪಲ್ಲಿ ಮೂಲಕ ಪಾತಪಾಳ್ಯ ಮಾರ್ಗವಾಗಿ ಬಾಗೇಪಲ್ಲಿ ಬರಬೇಕಾಗಿತ್ತು. ಕೋಳ್ಳವಾರಿಪಲ್ಲಿ ತಿರುವಿನಲ್ಲಿ ಚಾಲಕನ ನಿಯಂತ್ರಣ ತಪ್ಪಿದ ಬಸ್ ಮರಕ್ಕೆ ಢಿಕ್ಕಿ ಹೊಡೆದು, ಪಲ್ಟಿಯಾಗಿದೆ. ‌ ಘಟನೆಯಲ್ಲಿ ನಾರೇಮದ್ದೇಪಲ್ಲಿ ಗ್ರಾಮದ ಅಹಮದ್ ಬಾಷ(34) ತಲಾರಿ ವೆಂಕಟರಾಯಪ್ಪ(50) ಎಂಬ ಇಬ್ಬರು ಪ್ರಯಾಣಿಕರು ಮೃತಪಟ್ಟಿದ್ದು,  ಇಬ್ಬರು ಪ್ರಯಾಣಿಕರರು ಚಿಂತಾಜನಿಕ ಸ್ಥಿತಿಯಯಲ್ಲಿದ್ದಾರೆ ಎಂದು ತಿಳಿದು ಬಂದಿದೆ. 

ಘಟನಾ ಸ್ಥಳಕ್ಕೆ ಆ‍್ಯಂಬುಲೆನ್ಸ್ 2 ಗಂಟೆ ತಡವಾಗಿ ಬಂದಿದೆ ಎಂದು ಆರೋಪಿಸಲಾಗಿದೆ.

ಘಟನಾ ಸ್ಥಳಕ್ಕೆ ತಹಶೀಲ್ದಾರ್ ಪ್ರಶಾಂತ್ ಖಾನಗೌಡ ಪಾಟೀಲ,ಡಿವೈಎಸ್‍ಪಿ ಶಿವಕುಮಾರ್, ವೃತ್ತ ನಿರೀಕ್ಷಕ ಪ್ರಶಾಂತ್ ವರ್ಣಿ, ಚೇಳೂರು ವೃತ್ತ ನಿರೀಕ್ಷಕ ಜನಾರ್ಧನ್ ಪಿಎಸ್‍ಐಗಳಾದ ನರಸಿಂಹನಾಯ್ಡು ಹರೀಶ್ ಬೇಟಿ ನೀಡಿ ಪರಿಶೀಲಿಸಿದರು.