ಅರೆ ಬೆತ್ತಲೆಯಲ್ಲಿ ಅಪರಾಧ ಕೃತ್ಯಕ್ಕೆ ಯತ್ನ: ಪ್ರಕರಣ ದಾಖಲು

ಬೈಂದೂರು: ಚಡ್ಡಿ ಧರಿಸಿ ಮುಖಕ್ಕೆ ಬಟ್ಟೆ ಕಟ್ಟಿಕೊಂಡು ಮನೆಯ ಆವರಣಕ್ಕೆ ಪ್ರವೇಶ ಮಾಡಿದ ಅಪರಿಚಿತ ಯುವಕನೋರ್ವ ಅಪರಾಧ ಕೃತ್ಯ ಎಸಗಲು ಪ್ರಯತ್ನಿಸಿರುವ ಘಟನೆ ಅ.29ರಂದು ರಾತ್ರಿ ವೇಳೆ ಕಂಬದಕೋಣೆ ಗ್ರಾಮದ ತೆಂಕಬೆಟ್ಟು ನಾವುಡರಕೇರಿ ಎಂಬಲ್ಲಿ ನಡೆದಿದೆ.

ಮಂಜುನಾಥ ಮನೆಯ ಆವರಣಕ್ಕೆ ಸುಮಾರು 20 ರಿಂದ 25 ವರ್ಷ ಪ್ರಾಯದ ಅಪರಿಚಿತ ಯುವಕ ಚಡ್ಡಿ ಹಾಕಿಕೊಂಡು ಮುಖಕ್ಕೆ ಟವೆಲ್ ಕಟ್ಟಿಕೊಂಡು ಬರಿ ಮೈಯಲ್ಲಿ ಅಕ್ರಮ ಪ್ರವೇಶ ಮಾಡಿ ಮನೆಯ ಕಡೆಗೆ ಇಣುಕಿ ನೋಡಿ ತಿರುಗಾಡಿ ಯಾವುದೋ ಕೃತ್ಯ ನಡೆಸಲು ಪ್ರಯತ್ನಿಸಿರುವುದು ಸಿಸಿ ಟಿವಿಯಲ್ಲಿ ಕಂಡುಬಂದಿದೆ.

ಈ ಬಗ್ಗೆ ಬೈಂದೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.