ಆವರಣವಿಲ್ಲದ ಬಾವಿಗೆ ಬಿದ್ದು ವ್ಯಕ್ತಿ ಮೃತ್ಯು

ಹಿರಿಯಡ್ಕ, ನ.20: ಮಾನಸಿಕ ಕಾಯಿಲೆಯಿಂದ ನರಳುತಿದ್ದು, ಕಣ್ಣಿನ ದೃಷ್ಟಿದೋಷವಿದ್ದ ವಯೋವೃದ್ಧರೊಬ್ಬರು ಆವರಣ ವಿಲ್ಲದ ಬಾವಿಗೆ ಅಕಸ್ಮಿಕ ವಾಗಿ ಕಾಲುಜಾರಿ ಬಿದ್ದು ನೀರಿನಲ್ಲಿ ಮುಳುಗಿ ಮೃತಪಟ್ಟ ಘಟನೆ ಕುಕ್ಕೆಹಳ್ಳಿ ದೊಡ್ಡಬೀಡು ಗ್ರಾಮದಿಂದ ವರದಿಯಾಗಿದೆ.

ಮೃತರನ್ನು ಸೀತಾರಾಮ ಹೆಗ್ಡೆ (76) ಎಂದು ಗುರುತಿಸಲಾಗಿದೆ. ದೊಡ್ಡಬೀಡು ಗ್ರಾಮದ ಅನಂತಪದ್ಮನಾಭ ಎಂಬವರೊಂದಿಗೆ ವಾಸವಾಗಿ ರುವ ಸೀತಾರಾಮ ಹೆಗ್ಡೆ ಮಂಗಳವಾರ ಸಂಜೆ 6ಗಂಟೆ ಸುಮಾರಿಗೆ ಮನೆಯ ಬಳಿ ಬಂದಿರುವ ಭತ್ತ ಕೊಯ್ಯುವ ಮಿಷನ್‌ನ್ನು ನೋಡಿ ಬರುವುದಾಗಿ ಹೇಳಿ ಹೋದವರು ಮನೆಗೆ ಮರಳಿರಲಿಲ್ಲ.

ಇಂದು ಬೆಳಗ್ಗೆ ಮನೆಯಿಂದ ಸ್ವಲ್ಪ ದೂರದಲ್ಲಿರುವ ಯಶೋಧ ಎಂಬವರ ತೋಟದ ಆವರಣವಿಲ್ಲದ ಬಾವಿಯಲ್ಲಿ ಅವರ ಮೃತದೇಹ ದೊರಕಿದೆ. ದೃಷ್ಟಿದೋಷದಿಂದ ಕತ್ತಲಲ್ಲಿ ದಿಕ್ಕುತಪ್ಪಿ ಆವರಣವಿಲ್ಲದ ಬಾವಿಗೆ ಅಕಸ್ಮಿಕವಾಗಿ ಬಿದ್ದು ಮುಳುಗಿ ಮೃತಪಟ್ಟಿರಬೇಕೆಂದು ಅಂದಾಜಿಸಲಾಗಿದೆ. ಈ ಬಗ್ಗೆ ಹಿರಿಯಡ್ಕ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.