ಮಂಗಳೂರು: ಕುತ್ತಿಗೆಗೆ ಬ್ಲೇಡ್‌ನಿಂದ ಇರಿದು ಕೊಲೆಗೆ ಯತ್ನ; ಪ್ರಕರಣ ದಾಖಲು
Update: 2023-08-14 16:04 GMT
ಮಂಗಳೂರು, ಆ.14: ನಗರದ ವೈನ್‌ಶಾಪ್‌ವೊಂದರಲ್ಲಿ ಮಹೇಶ್ ಎಂಬವರ ಕುತ್ತಿಗೆಗೆ ಬ್ಲೇಡ್‌ನಿಂದ ಇರಿದು ಕೊಲೆಗೆ ಯತ್ನಿಸಿದ ಘಟನೆ ರವಿವಾರ ಮಧ್ಯಾಹ್ನ ನಡೆದಿದೆ.
ನಗರದ ಮೋರ್ಗನ್ಸ್‌ಗೇಟ್‌ನಲ್ಲಿರುವ ವೈನ್‌ಶಾಪ್‌ಗೆ ಮಧ್ಯಾಹ್ನ 2:30ಕ್ಕೆ ಬಂದಿದ್ದ ಆರೋಪಿ ಯಶವಂತ್ ಎಂಬಾತ ಅಲ್ಲಿಯೇ ಇದ್ದ ಮಹೇಶ್‌ಗೆ ಹಳೆ ದ್ವೇಷದಿಂದ ಜೀವಬೆದರಿಕೆ ಹಾಕಿ ಕುತ್ತಿಗೆಗೆ ಬ್ಲೇಡ್‌ನಿಂದ ಇರಿದು ಕೊಲೆಗೆ ಯತ್ನಿಸಿದ್ದಾನೆ ಎಂದು ದೂರಲಾಗಿದೆ.
ಈ ಬಗ್ಗೆ ವೈನ್‌ಶಾಪ್ ಮ್ಯಾನೇಜರ್ ಪಾಂಡೇಶ್ವರ ಠಾಣೆಗೆ ದೂರು ನೀಡಿದ ದೂರಿನಂತೆ ಪ್ರಕರಣ ದಾಖಲಿಸಲಾಗಿದೆ.