ಮಲಯಾಳಂ ಚಿತ್ರ ನಿರ್ಮಾಪಕ ಕೆ ಜಿ ಜಾರ್ಜ್ ನಿಧನ

ಕೊಚ್ಚಿ : ಮಲಯಾಳಂ ಜನಪ್ರಿಯ ಚಿತ್ರಗಳ ನಿರ್ಮಾಪಕ ಕೆ.ಜಿ.ಜಾರ್ಜ್ ರವಿವಾರ ನಿಧನರಾಗಿದ್ದಾರೆ ಎಂದು english.mathrubhumi.com ವರದಿ ಮಾಡಿದೆ.

ಸ್ವಪ್ನಾದನಂ, ಊಲ್ ಕಾಟಾಲ್, ಕೊಳಂಗಲ್, ಮೇಳ, ಇರಕಲ್, ಯವನಿಕಾ, ಲೇಖಾಯುಡೆ ಮರಣಂ ಓರು ಫ್ಲ್ಯಾಶ್‌ಬ್ಯಾಕ್ ಮುಂತಾದ ಜನಪ್ರಿಯ ಚಿತ್ರಗಳ ನಿರ್ಮಾಪಕ ಕೆ.ಜಿ.ಜಾರ್ಜ್ ಪಾರ್ಶ್ವವಾಯುವಿಗೆ ಚಿಕಿತ್ಸೆ ಪಡೆಯುತ್ತಿದ್ದರು. ಕೇರಳದ ಕಾಕ್ಕನಾಡ್‌ನಲ್ಲಿರುವ ತಮ್ಮ ಮನೆಯಲ್ಲಿ ನಿಧನರಾದರು. ಮೃತರು, ಪತ್ನಿ ಸೆಲ್ಮಾ ಜಾರ್ಜ್ ಅವರನ್ನು ಅಗಲಿದ್ದಾರೆ.

ಕೆ ಜಿ ಜಾರ್ಜ್ ಅವರು ಯವನಿಕಾ, ಸ್ವಪ್ನಾದನಂ, ಆದಮಿಂಡೆ ವಾರಿಯೆಲ್ಲು ಮತ್ತು ಇರಕಲ್ ಚಲನಚಿತ್ರಗಳಿಗಾಗಿ ಕೇರಳ ರಾಜ್ಯ ಚಲನಚಿತ್ರ ಪ್ರಶಸ್ತಿಗಳನ್ನು ಗೆದ್ದಿದ್ದಾರೆ. 2016 ರಲ್ಲಿ, ಮಲಯಾಳಂ ಚಿತ್ರರಂಗಕ್ಕೆ ಅವರ ಜೀವಮಾನದ ಕೊಡುಗೆಗಳನ್ನು ಗುರುತಿಸಿ ಅವರಿಗೆ JC ಡೇನಿಯಲ್ ಪ್ರಶಸ್ತಿಯನ್ನು ನೀಡಿ ಗೌರವಿಸಲಾಗಿದೆ.