ತರಬೇತಿ ವೇಳೆ ನದಿ ನೀರಲ್ಲಿ ಕೊಚ್ಚಿಹೋಗಿದ್ದ ಯೋಧನ ಶವ ಪತ್ತೆ
Update: 2018-01-31 13:39 GMT
ಜಮ್ಮು, ಜ.31: ಈ ತಿಂಗಳ ಆರಂಭದಲ್ಲಿ ತರಬೇತಿ ಕಾರ್ಯಕ್ರಮದ ಸಂದರ್ಭ ಆಕಸ್ಮಿಕವಾಗಿ ಚೆನಾಬ್ ನದಿಗೆ ಬಿದ್ದು ಕೊಚ್ಚಿಕೊಂಡು ಹೋಗಿದ್ದ ಯೋಧನ ಶವ ಜಮ್ಮು ಜಿಲ್ಲೆಯ ಗಡಿಭಾಗದಲ್ಲಿ ನದಿ ತೀರದಲ್ಲಿ ಪತ್ತೆಯಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಜನವರಿ 8ರಂದು ಜಮ್ಮು ಜಿಲ್ಲೆಯ ಅಖ್ನೂರ್ ವಿಭಾಗದ ದೋಮಿ ಎಂಬಲ್ಲಿ ನಡೆದ ತರಬೇತಿ ಕಾರ್ಯಕ್ರಮದ ಸಂದರ್ಭ ಪಂಜಾಬ್ ಮೂಲದ ಯೋಧ ಮನ್ದೀಪ್ ಸಿಂಗ್ ನೀರಿನಲ್ಲಿ ಮುಳುಗಿದ್ದು, ಬಳಿಕ ನಾಪತ್ತೆಯಾಗಿದ್ದರು. 22 ದಿನಗಳ ಬಳಿಕ ಅವರ ಮೃತದೇಹ ಪತ್ತೆಯಾಗಿದ್ದು, ಮರಣೋತ್ತರ ಪರೀಕ್ಷೆಯ ಬಳಿಕ ಸೇನಾಪಡೆಯ ವಶಕ್ಕೆ ನೀಡಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.