ಅನುಪಮ್ ಖೇರ್ ಗೆ ಅನಿಲ್ ಕಪೂರ್ ನೋಟೀಸ್ ಕಳುಹಿಸುವ ಬೆದರಿಕೆ ಹಾಕಿದ್ದು ಏಕೆ ?
ಮುಂಬೈ, ಫೆ. 13 : ಹಿರಿಯ ಕಲಾವಿದ, ಮೋದಿ ಸರಕಾರದ ಕಟ್ಟಾ ಬೆಂಬಲಿಗ ಅನುಪಮ್ ಖೇರ್ ಹೊಸ ವಿವಾದವನ್ನು ಮೈಮೇಲೆಳೆದುಕೊಂಡರೆ ? ಇಲ್ಲ, ಹಾಗೇನಿಲ್ಲ. ಈಗ ಅವರು ಯಾವುದೇ ವಿವಾದಾತ್ಮಕ ಹೇಳಿಕೆ ನೀಡಿಲ್ಲ.
ಅನುಪಮ್ ಖೇರ್ ಹಾಗು ಖ್ಯಾತ ನಟ ಅನಿಲ್ ಕಪೂರ್ ಆಪ್ತ ಮಿತ್ರರು ಎಂಬುದು ಹೆಚ್ಚಿನವರಿಗೆ ಗೊತ್ತಿದೆ. ಆದರೆ ಈಗ ಇದ್ದಕ್ಕಿದ್ದಂತೆ ಈ ದೋಸ್ತ್ ವಿರುದ್ಧವೇ ಅನಿಲ್ ಕಪೂರ್ ನೋಟೀಸ್ ಬಿಡಲು ಹೊರಟಿದ್ದು ಏಕೆ ಎಂದು ಇಲ್ಲಿದೆ ವಿವರ.
ಇತ್ತೀಚಿಗೆ ಅನುಪಮ್ ಖೇರ್ ಅವರು ಟ್ವೀಟ್ ಮಾಡಿ ಬೆಲ್ವ್ಯೂ ಎಂಬ ಅಮೆರಿಕನ್ ಸರಣಿಯಲ್ಲಿ ತಾನು ಡಾ. ಅನಿಲ್ ಕಪೂರ್ ಪಾತ್ರ ಮಾಡಲಿದ್ದೇನೆ ಎಂದು ಹೇಳಿದ್ದರು. ಇದಕ್ಕೆ ತಕ್ಷಣ ಪ್ರತಿಕ್ರಿಯಿಸಿದ ಅನಿಲ್ ಕಪೂರ್ "ನನ್ನ ಹೆಸರು ಬಳಸಿದ್ದಕ್ಕೆ ಸಂಭಾವನೆ ಕೊಡಬೇಕು. ಇಲ್ಲದಿದ್ದರೆ ಲೀಗಲ್ ನೋಟೀಸ್ ಬರಲಿದೆ" ಎಂದು ಟ್ವೀಟ್ ಮಾಡಿದ್ದಾರೆ ! ಅವರಿಬ್ಬರ ನಡುವಿನ ಆತ್ಮೀಯತೆ, ಸಲುಗೆ ಗೊತ್ತಿರುವವರಿಗೆ ಇದು ತಮಾಷೆಗೆ ಎಂದು ತಕ್ಷಣ ಗೊತ್ತಾಗುತ್ತದೆ.
ಈ ಇಬ್ಬರು ಮಿತ್ರರು ಓಂ ಜೈ ಜಗದೀಶ್, ಹಮಾರಾ ದಿಲ್ ಆಪ್ಕೆ ಪಾಸ್ ಹೈ, ಹಮ್ ಆಪ್ಕೆ ದಿಲ್ ಮೇ ರಹತೇ ಹೈ, ದೀವಾನಾ ಮಸ್ತಾನ ಇತ್ಯಾದಿ ಚಿತ್ರಗಳಲ್ಲಿ ಒಟ್ಟಿಗೆ ನಟಿಸಿದ್ದಾರೆ. ಮಾತ್ರವಲ್ಲ ಅನಿಲ್ ಕಪೂರ್ ಸದಾ ಅನುಪಮ್ ಖೇರ್ ಬಗ್ಗೆ ಅತ್ಯಂತ ಪ್ರೀತಿಯಿಂದ ಮಾತನಾಡುತ್ತಾರೆ ಮತ್ತು ತನ್ನ ವೃತ್ತಿ ಬದುಕಿನ ಯಶಸ್ಸಿಗೆ ಅವರೇ ಕಾರಣ ಎಂದು ಆಗಾಗ ಹೇಳುತ್ತಿರುತ್ತಾರೆ.
Want royalty for using my name @AnupamPKher or wait for a Legal notice .. https://t.co/H9oJ0Qspb4
— Anil Kapoor (@AnilKapoor) February 12, 2018
@AnupamPKher @AnilKapoor you guys are taking your love for each other to another level your playing a character that shares the same name ! https://t.co/aoInYwKLkR
— Harshvardhan Kapoor (@HarshKapoor_) February 12, 2018